ޒުވާން މަސްވެރިޔާގެ ޓްވީޓަށް އިނގިރޭސި ވަޒީރެއް: ތިއީ ދުނިޔެއަށް މިސާލެއް
ރާއްޖޭގެ ޒުވާން މަސްވެރިޔާ ހަސަން ސާޖިން އޭނާގެ ސޯޝަލް މީޑިއާގައި ހިއްސާކޮށްފައިވާ ދޮށީގެ މަސްވެރިކަމުގައި ވީޑިއޯއަކާ ގުޅިގެން ދިވެހިންގެ ދޮށީގެ މަސްވެރިކަމަކީ މުޅި ދުނިޔެއަށް ވެސް މިސާލެއް ކަމަށް އިނގިރޭސިވިލާތުގެ ފޮރިން އެންޑް ކޮމަންވެލްތު ޑިވެލޮޕްމެންޓް އޮފީހުގެ ޕެސިފިކް އަދި ތިމާވެއްޓާ ބެހޭ ސަރަހައްދުގެ މިނިސްޓަރ، ޒެކަރިއަސް ގޯލްޑްސްމިތު ވިދާޅުވެއްޖެއެވެ.
ދިވެހި މަސްވެރިކަމާ ބެހޭ މައުލޫމާތާއި ވީޑިއޯތައް ސޯޝަލް މީޑިއާގައި ހިއްސާކޮށް މުޅި ދުނިޔެއަށް ރާއްޖޭގެ މަސްވެރިންކަން އިޝްތިހާރު ކުރުމަށް ޒުވާން މަސްވެރިޔާކުރާ މަސައްކަތަކީ ފާހަގަ ކޮށްލެވޭ މަސައްކަތެކެވެ.
ޒުވާން މަސްވެރިޔާގެ އަޒުމް ވަރުގަދަ މަސައްކަތުގެ ސަބަބުން ބޮޑެތި ކުންފުނިތަކުން ވެސް ވަނީ އޭނާއާ އެކު ކުންފުނިތަކުގެ ޕްރޮމޯޝަނަލް މަސައްކަތުގައި ވެސް އޭނާގެ އެހީ ހޯދާކަށް ފާހަގަ ކޮށްލެވެއެވެ. މިގޮތުން ޒުވާން މަސްވެރިޔާއަކީ ޓެލެކޮމިއުނިކޭޝަން ކުންފުނި އުރީދޫގެ ބްރޭންޑް އެމްބެސެޑަރެކެވެ.
ޒުވާން މަސްވެރިޔާއަކީ އުމުރުން 15 އަހަރުން ފެށިގެން މަސްވެރިކަމުގައި އުޅެބޮޑުވި މީހެކެވެ. މަސްވެރިއެއްގެ ހައިސިއްޔަތުން ރާއްޖޭގެ ހުރިހާ މަސްވެރިންނާ ބައްދަލު ކުރުމަށް ބޭނުންވާކަމަށާއި އެމީހުންނާ ވާހަކަދައްކައި މަޝްވަރާކޮށް، މަސްވެރިންނަށް ދިމާވާ ގޮންޖެހުންތަކާއި ދަތިތައް އަޑުއަހަން ވެސް އޭނާ ބޭނުންވާކަމަށް ޒުވާން މަސްވެރިޔާ ބުނެއެވެ.
ރާއްޖޭގެ އުތުރާއި ދެކުނުގެ މަސްވެރިކަން ކުރާގޮތް ތަފާތު ކަމަށާއި އެކި ހިސާބުތަކުގައި މަސްވެރިކަން ކުރާގޮތް ބަލައި، އެކަން ތަޖުރިބާ ކުރުމަކީ ވެސް އޭނާ ބޭނުން ކަމެއްކަމަށް އޭނާ ބުނެއެވެ.
ތެދެއް ރަނގަޅު ކެޔޮޅެެއް
ތީވަރަށްވެސްމުހިންމު ޤައުމާއިން ކުރިޔަށްދެވޭނެ ދިވެހި ދަރިޔެއްކަން ސާބިތުކޮއްދީފި ،އިތުރަށް ގައުމަށް ތިކަން ފުޅަކޮއްދެވާ،،،،