ޖޭއެސްސީގެ އަމަލުތަކުން ހީވަނީ އެއީ ސުޕްރީމް ކޯޓަށް ވުރެ ވެސް މަތީ ކޯޓެއްހެން:ޑރ. އިޔާޒް
ފަނޑިޔާރު މައްސަލައެއް ނިންމިގޮތް ރަނގަޅު ނޫންވީމާ އެކަމާ ހިތްހަމަ ނުޖެހޭނަމަ ދާން އޮންނަނީ މަތީ ކޯޓަކަށް ކަމަށާއި ޖުޑީޝަލް ސާވިސް ކޮމިޝަނުގެ އަމަލުތައް ހުންނަގޮތުން ހީވަނީ އެއީ ސުޕްރީމް ކޯޓަށް ވުރެ ވެސް މަތީ ކޯޓެއްހެންކަމަށް ދީނީ ޢިލްމުވެރިޔާ ޑރ. މުޙައްމަދު ޢިޔާޒް ޢަބްދުއްލަތީފު ވިދާޅުވެއްޖެއެވެ.
ޑރ.އިޔާޒް މިހެން ވިދާޅުވީ އައްޑޫ މީދޫ މެޖިސްޓްރޭޓް ކޯޓަށް ހުށަހެޅުނު މައްސަލައެއްގައި ތުހުމަތު ކުރެވޭ މީހާގެ ބަންދުގެ މުއްދަތު އިތުރުކުރުމަށް ކޯޓަށް ހާޒިރުކުރުމުން މައްސަލައިގައި ގޮތެއް ނިންމިއިރު އެކޯޓުގެ އިސް މެޖިސްޓްރޭޓް މުހައްމަދު ތައްޔިބް އަމަލުކުރެއްވީ ގާނޫނާ ހިލާފަށް ކަމަށް ބުނާ މައްސަލައެއްގައި އޭނާއާ ދެކޮޅަށް ސުލޫކީ ފިޔަވަޅު އެޅުމަށް ޖޭއެސްސީން ނިންމި ނިންމުމަށް އިޝާރާތް ކުރައްވައެވެ.
"ފަނޑިޔާރު މައްސަލައެއް ނިންމިގޮތް ރަނގަޅު ނޫންވީމާ އެކަމާ ހިތްހަމަ ނުޖެހޭ ނަމަ ދާން އޮންނަނީ މަތީ ކޯޓަކަށެވެ. ނަމަވެސް މިހާރު ޖޭއެސްސީގެ ޢަމަލުތައް ހުންނަ ގޮތުން ހީވަނީ އެއީ ސުޕްރީމް ކޯޓަށް ވުރެ ވެސް މަތީ ކޯޓެއްހެން. އަވަހަށް އެތަން އިޞްލާޙުކޮށްދެއްވާ" ރައީސުލް ޖުމްހޫރިއްޔާ އިބްރާހިމް މުހައްމަދު ޞާލިހް ޓެގު ކުރައްވައި ޑރ. އިޔާޒް މިރޭ ކުރެއްވި ޓްވީޓްގައި ވިދާޅުވިއެވެ.
އައްޑޫ މީދޫ މެޖިސްޓްރޭޓް ކޯޓްގެ އިސްމެޖިސްޓްރޭޓް ތައްޔިބާ މެދު ސުލޫކީ ފިޔަވަޅު އެޅުމަށް ޖޭއެސްސީން ނިންމި ނިންމުމާ އެކު ގިނަ ބަޔަކު ދަނީ ޖޭއެސްސީއަށް ފާޑުކިޔަމުންނެވެ.
މެޖިސްޓްރޭޓް ތައްޔިބްގެ މައްސަލަ ސާބިތުވާތީ އޭނާއަށް ނަސޭހަތް ދިނުމާ އެކު ކޮމިޝަނުން ކަނޑައަޅާ ތަމްރީން ޕްރޮގްރާމެއް ފުރިހަމަ ކުރުމަށް އެންގުމަށް ޖޭއެސްސީން ނިންމައިފައިވެއެވެ.
އިޔާޒް މީކަނޑިންމަ އުޅާގަނޑުތޯ ނުބެހޭ އެއްކަމެއްވެސްނެތް
ދީނުގެ ނަމުގަ ކޮންމެވެސް ޖިންސީ ގުޅުމެއް ނުވަތަ އެފަދަ ގުނަވަނެއްގެ ވާހަކަ ވިދާޅު ނުވީތީ ޝުކުރިއްޔާ ! އެހެންނޫނީ އަބަދު އުޅުއްވަނީ އެއެއްގަ އަޅައިގަނެގެން ވިއްޔަ
އިޔާޒް ހުރޭ އިބްރާހީމް މުޙައްމަދު ޞާލިހަކީ މާރަނގަޅު މީހެއް ކަމަށް ދެކިގެން. އެމް.ޑީ.ޕީގައި ނޫޅޭނެ ރަނގަޅު އެކަކުވެސް. ކެނެރީގޭ ކަލޭގެ ޕާޓީގެ ވެރިއަކަށް ލައިގެން އޭނާގެ ފަހަތުގައި އުޅޭ އެއްވެސް މީހަކީ ރަނގަޅު މީހަކަށް ނުވާނެ. ޖޭ.އެސް.ސީ މިހާރު ހިންގަނީ ޤާނޫނު އަސާސީއާ ކަނޑައެޅިގެން ޚިލާފަށް. ފަނޑިޔާރަކު ނިންމާ ނިންމުމަކާ ގުޅިގެން އެ ފަނޑިޔާރަކާ ސުވާލުކުރުމުގެ ބާރު އެއްވެސް ފަރާތަކަށް ލިބިގެން ނުވާކަމަށް ޤާނޫނު އަސާސީގައި ބުނެފައި އޮވޭ. އެފަދަ ނިންމުމަކާ މެދު ހިތްހަމަނުޖެހޭނަމަ އެ މައްސަލައެއް ހުށަހަޅަންޖެހޭނީ އިސްތިއުނާފު ކުރުމަށް އެއަށްވުރެ މަތީކޯޓަކަށް.
ތީ ހުރިހާ ޖަރީމާ އެއް ހިންގުމަށް މިސަރުކާރަށް ވާްގިވެރިވެދޭ އެންމެ ބޮޑު އެކެއް.
ޢިޔާޒާނުބެހޭތި އެއީ މޑ ކޯލިސަންގެކުއްޖެއް