ކުރެންދޫއާއި ވިލިނގިލީގެ ބައި އިލެކްޝަން ކުރިއަށްދަނީ
ޅ. ކުރެންދޫއާއި ގއ. ވިލިނގިލީގެ އަންހެނުންގެ ތަރައްގީއަށް މަސައްކަތްކުރާ ކޮމެޓީތަކުގެ ބައި އިލެކްޝަން މިއަދު ފެށިގެން އެބަ ކުރިއަށްދެއެވެ.
އިލެކްޝަންސް ކޮމިޝަން (އީސީ)އިން މައުލޫމާތު ދީފައިވާ ގޮތުގައި އެ ދެރަށުގެ އަންހެނުންގެ ތަރައްގީއަށް މަސައްކަތްކުރާ ކޮމެޓީތަކުގެ ބައި އިލެކްޝަނަށް ވޯޓުލުން ފެށިފައި ވަނީ މިއަދު ހެނދުނު 8:00 ގައެވެ. ވޯޓުލުން ކުރިއަށް ދާނީ މެންދުރުފަހު 3:00އާ ހަމައަށެވެ.
އީސީން މީގެ ކުރިން ފާހަގަ ކޮށްފައިވާ ގޮތުގައި އަންހެނުންގެ ތަރައްގީއަށް މަސައްކަތް ކުރާ ކޮމިޓީތަކަށް ކުރިމަތިލުމަށް އާންމުންގެ ޝައުގުވެރިކަން ވަރަށް ކުޑައެވެ.
އަންހެނުންގެ ތަރައްގީއަށް މަސައްކަތް ކުރާ ކޮމިޓީތަކުގެ ރައީސާއަށް ލިބެނީ 3،500 ރުފިޔާގެ އެލަވަންސެކެވެ. ނައިބަށް 2،500 ރުފިޔާ ލިބޭއިރު މެންބަރަކަށް 2،000 ރުފިޔާ ލިބެއެވެ. ނަމަވެސް މި އޮކްޓޯބަރު މަހުން ފެށިގެން މި އޮނިގަނޑު ވަނީ ބަދަލުކޮށްފައެވެ.
Ads by STO
