ރައީސް ނަޝީދަށް ހާއްސަކުރި މުރައިދޫގެ މަރާމާތުކޮށް ނިމޭނީ މި މަހު 14އަށް
ކުރީގެ ރައީސް އަދި ރައްޔިތުންގެ މަޖިލީހުގެ މިހާރުގެ ރައީސް މުޙައްމަދު ނަޝީދަށް ސަރުކާރުން ހާއްސަކުރާ މ. މުރައިދޫގެ މަރާމާތުކޮށް ނިމޭނެކަމަށް ލަފާކުރެވެނީ މި ހިނގާ ނޮވެމްބަރު މަހުގެ 14ވަނަ ދުވަހަށް ކަމަށް ޕްލޭނިންގ މިނިސްޓްރީން މިއަދު ބުނެފިއެވެ.
އެ މިނިސްޓްރީން މީގެ ކުރިން ބުނީ އެ ގޭގެ މަސައްކަތް މިދިޔަ މަހު ނިމޭނެ ކަމަށެވެ.
ދައުލަތުގެ ތިން ބާރުގެ ސެކިއުރިޓީ ވަރުގަދަކޮށް، މަގާމުގައި ހުންނަވާ މުއްދަތުގައި ދިރިއުޅުއްވާނެ ވަގުތީ ގެކޮޅެއް ހަމަޖައްސައި ދެއްވަން ސަރުކާރުން ނިންމީ، މި އަހަރުގެ މެއި މަހުގެ 6ވަނަ ދުވަހު ރައީސް ނަޝީދަށް އަމާޒުކޮށް ދިން ނިރުބަވެރި ހަމަލާއާ ގުޅިގެންނެވެ. އެގޮތުން ރައްޔިތުންގެ މަޖިލީހުގެ ރައީސަށް މުރައިދޫގެ އަދި އުއްތަމަ ފަނޑިޔާރު ހުންނެވުމަށް ރެހެންދި ފްލެޓެއް ސަރުކާރުން ވަނީ ހަމަޖައްސަވައިފައެވެ. މި ދެތަނުގައި އެ ބޭފުޅުން ދިރިއުޅުއްވާނީ، އެ ބޭފުޅުންނަށް ޓަކައި ހަދާ ދާއިމީ ގެކޮޅު އިމާރާތް ކުރެވެންދެނެވެ.
މަޖިލިސް ރައީސްއަށާއި އުއްތަމަ ފަނޑިޔާރަށް ދާއިމީ ގެ އިމާރާތް ކުރާނެ ބިން ކަނޑައަޅައިފައިވާ އިރު މަޖިލިސް ރައީސަށް ހާއްސަކުރާ ގެ އަޅާން ނިންމައިފައި ވަނީ މ. ދަންޑަހެލުގެ، (މިހާރުގެ ސުޕްރީމް ކޯޓު ކުރިމަތިން ވާ ގޮތަށް އޮންނަ ޕާކިން ޒޯނު) އޮންނަ ބިމުގައެވެ.
އުއްތަމަ ފަނޑިޔާރަށް ހާއްސަކޮށް އަޅާ ގެ އިމާރާތް ކުރަން ނިންމައިފައިވަނީ، މަޖީދިއްޔާ ސްކޫލު ކުރިމަތިން، ސްކައުޓް އެސޯސިއޭޝަން ކުރިން ހިންގި އިމާރާތް ހުންނަ ބިމުގައެވެ.
ޕާރޓޮ ކުދިންނަށްނަށް މާލެއިން ތަންތަންކޮޅު ދެނީ ދާއިމަށް. މުސާރައާޢި ގެވެސް ދެނީ ޕާރޓ ކުދިންނަށް. އެއްކަލަ ޢިއްޒަތާ ޝަރަފު ބޭނުން ނުވާނެ ކަމަށް ބުނި ގޮލާގެ ގޭކުއްޔަށް ދުވާލަކު 7000ޔޫ.އެސް.ޑޮލަރު. ލަދު ކޮބާ!