ރަސޫލާ (ޞޢވ)އަށް ފުރައްސާރަ ކުރުމަށް ޖާގަ ދެވިގެން ނުވާނެ: ސިޔާމް

މާތް ނަބިއްޔާ މުޙައްމަދު (ޞޢވ) އަށް ފުރައްސާރަ ކުރުމަށް ކުރަމުންދާ މަސައްކަތަށް ކުޑަ ނަމަވެސް ޖާގައެއް ދެވިގެން ނުވާނެ ކަމަށް ރައްޔިތުންގެ މަޖިލީހުގެ މީދޫ ދާއިރާގެ މެންބަރު އަދި މޯލްޑިވްސް ޑިވެލޮޕްމަންޓް އެލަޔަންސް (އެމްޑީއޭ)ގެ ލީޑަރު އަހްމަދު ސިޔާމް މުހައްމަދު ވިދާޅުވެއްޖެއެވެ.

ރާއްޖެ އިސްލާމްވި ދުވަހާ ގުޅިގެން ސިޔާމް މިއަދު ނެރުނު ހިޠާބުގައޮ ވަނީ  މިގައުމަކީ ސައްތަ އިން ސައްތަ އިސްލާމީ ގައުމެއްގެ ގޮތުގައި ބޭއްވުމަށް ހުރިހާ ދިވެހިންވެސް މަސައްކަތް ކުރަން އިލްތިމާސް ކުރައްވައިފައެވެ.

"ރަސޫލާއަށް ފުރައްސާރަ ކުރުމަށް ކުރަމުންދާ މަސައްކަތަށް ކުޑަނަމަވެސް ޖާގައެއް ނުދިނުމަށް އަޒުމުކަނޑައަޅާ، މަސައްކަތް ކުރުމަށް ދިވެހިރާއްޖޭގެ އެންމެހާ ރައްޔިތުންނާއި، ކަމާބެހޭ ހުރިހާ ފަރާތްތަކަށް އަޅުގަނޑު އިލްތިމާސް ކުރަން،" މެމްބަރު ސިޔާމް ވިދާޅުވިއެވެ.

ރާއްޖެއަކީ ސައްތައިން ސައްތަ އިސްލާމީ ޤައުމަކަށް ވާތީ ހަސަދަވެރިވާ ބަޔަކު ތިބިކަން ވެސް ސިޔާމް ފާހަގަކުރައްވާފައިވެއެވެ.