ކެޓްރީނާއާއި ވިކީ ކައިވެނި ކުރަން ނިންމީ ތާރީޚީ ގަނޑުވަރެއްގައި
މިދުވަސްކޮޅު ބޮލީވުޑްގައި އެންމެ ގަދަޔަށް ދެކެވެމުން އަންނަ ވާހަކައަކީ ކެޓްރީނާ ކެއިފްއާއި ވިކީ ކޯޝަލްގެ ކައިވެނީގެ ވާހަކައެވެ.
މި އަހަރުގެ ޑިސެމްބަރު މަހު މި ދެތަރިން ކައިވެނި ކުރަން އުޅޭ ވާހަކަ ދެކެވެމުންދާއިރު، ކެޓްރީނާއާއި ވިކީގެ ކައިވެނީގެ ހަފްލާ ބާއްވާ ތަނަކާ މެދު ވެސް ގިނަ ބަޔަކު ވަނީ ސުވާލު ކޮށްފައެވެ.
ބޮލީވުޑްގެ މަޝްހޫރު ގިނަ އެކްޓަރުން ބޭރު ޤައުމުތަކުގައި ކައިވެނި ކުރުމުން، ގިނަ ބަޔަކު ހީކުރީ ކެޓްރީނާއާއި ވިކީގެ ކައިވެނި ވެސް ބާއްވާނީ ބޭރު ޤައުމެއްގައި ކަމަށެވެ. ނަމަވެސް ކެޓްރީނާގެ ގާތް މީހަކު ބައެއް މީޑިއާތަކަށް މައުލޫމާތު ދެމުން ބުނީ އެ ދެތަރިން ކައިވެނި ކުރަން ހަމަޖެހިފައި ވަނީ ރާޖެސްތާނުގައި ހުރި ތާރީހީ ގަނޑުވަރެއްގައި ކަމަށެވެ. އެ ގަނޑުވަރަކީ 700 އަހަރުވީ ގަނޑުވަރެއް ކަމަށާއި މިއީ ތާރީހީ އަދި ވަރަށް ޝާހީ ގަނޑުވަރެއް ކަމަށް ވެސް މައުލޫމާތު ލިބިފައިވެއެވެ.
ކެޓްރީނާއާއި ވިކީގެ ކައިވެނީގެ އެކި ހަފްލާތައް އޮންނާނީ އަންނަ ޑިސެމްބަރު މަހުގެ 7އިން 12އަށް ކަމަށް ރިޕޯޓުތަކުން ބުނެއެވެ.
