Monday, 16 November 2026
Advertisement
STO — McCoy (leaderboard)
އިޖުތިމާޢީ

ށ. އަތޮޅު ހޮސްޕިޓަލުން ނުދައްކާ ހުރި ކަރަންޓު ބިލުގެ ޖުމްލަ މިލިއަނަކަށް!

ށ. އަތޮޅު ހޮސްޕިޓަލުން ނުދައްކާ ހުރި ކަރަންޓު ބިލުގެ ޖުމްލަ މިލިއަނަކަށް!

ށ. ފުނަދޫ ހުންނަ ށ. އަތޮޅު ހޮސްޕިޓަލުން ނުދައްކާ ހުރި ކަރަންޓު ބިލުތަކުގެ ޖުމްލަ މިލިއަނަކަށް ވުރެ މައްޗައް އަރައިފައިވާކަމަށް މައުލޫމާތު ލިބިއްޖެއެވެ.

މައުލޫމާތު ލިބިފައިވާ ގޮތުގައި މި ހިނގާ 2021ވަނަ އަހަރުގެ ޖެނުއަރީ މަހުން ފެށިގެން ސެޕްޓެމްބަރު މަހުގެ 20ވަނަ ދުވަހާ ހަމައަށް އެ ހޮސްޕިޓަލުން ނުދައްކާ ހުރި ކަރަންޓު ބިލުތަކުގެ ޖުމްލަ އެއް މިލިއަން ތިން ލައްކައަށް އަރައެވެ. އަދި މިހާރު ވެސް އެ ހޮސްޕިޓަލުން، އެއް މިލިއަން ތިރީސް އެއް ހާސް ނުވަދިހަ ހަތަރު ރުފިޔާ ސާޅީސް އަށް ލާރި ކަރަންޓު ބިލަށް ދައްކަވަން އެބަ އޮތްކަމަށް ވަނީ މައުލޫމާތު ލިބިފައެވެ.

މިކަމާ ބެހޭ ގޮތުން "ދެން"އިންް ސުވާލު ކުރެއްވުމުން ށ. އަތޮޅު ހޮސްޕިޓަލުގެ މެނޭޖަރ، ހެލްތު ސާވިސަސް އަހުމަދު ޒުމްރަތު ވިދާޅުވީ އެއީ ބަޔަކު ސިޔާސީ މަންފާއެއް ހޯދުމަށް ދައްކާ ވާހަކައެއް ކަމަށެވެ.

Advertisement
Ooredoo — Truecaller (box)

"ބަޔަކު ސިޔާސީ މަންފާއެއް ހޯދަން ޝޯޝަލް މީޑިޔާގައި ދައްކާ ވާހަކައެއް އެއީ." ޒުމްރަތު ވިދާޅުވިއެވެ.

ފުނަދޫ ރައްޔިތުންގެ އިންޖީނުގެ ހިންގަވަމުން އަންނަ އެރަށު ކައުންސިލުން ވަނީ އަތޮޅު ހޮސްޕިޓަލުން ނުދައްކަވާ ކަރަންޓު ބިލް ހުރި ކަމަށް ވިދާޅުވެފައެވެ.

"ސަރުކާރުގެ ކޮންމެ މުއައްސަސާއެއްގެ ވެސް ހުންނާނެ ނުދައްކަވާ ހުރި ކަރަންޓު ބިލުތައް. އެގޮތުން ހޮސްޕިޓަލުން ވެސް ނުދައްކަވާ ހުރި ބިލުތައް ހުންނާނެ. އަޅުގަނޑަށް ސީދާ ނޭނގެ ކިހާވަރެއްކަމެއް ދަންނަވާކަށް" ފުނަދޫ ކައުންސިލްގެ ރައީސް އަހުމަދު އިބްރާހިމްފުޅު ވިދާޅުވިއެވެ.

ށ.ފުނަދޫ އަކީ ށ އަތޮޅުގެ ވެރިކަން ކުރާރަށެވެ. އަަދި އެރަށުގައި ކަރަންޓުގެ ހިދުމަތްދެމުން އަންނަނީ ރައްޔިތުންގެ އިންޖީނުގެއަކުންނެވެ. މި އިންޖީނުގެ ހިންގަނީ ރަށު ކައުންސިލުންނެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.