ސުޕްރީމް ކޯޓުގެ ފުރާޅުން ޓިނު ނެގި މައްސަލައިގެ ހަގީގަތް ހައިލަމް ވިދާޅުވެދެއްވައިފި

ކުރީގެ ރައީސް އަބްދުﷲ ޔާމީން އަބްދުލްޤައްޔޫމްގެ ވެރިކަމުގައި 2018ވަނަ އަހަރުގެ ފެބްރުއަރީ މަހުގެ ފުރަތަމަ ދުވަހު ސްޕްރީމް ކޯޓުން ނެރުނު އަމުރާ ގުޅިގެން ކޯޓުގެ ފުރާޅުން ޓިނު ނެގި މައްސަލައިގެ ހަގީގަތް ކްރިމިނަލް ކޯޓުގެ ކުރީގެ އިސް ޤާޒީ އަހުމަދު ހައިލަމް ވިދާޅުވެ ވެދެއްވައިފިއެވެ.

Ads by MWSC

ރައީސް ޔާމީން މިނިވަން ކުރުމާ ގުޅޭގޮތުން މިއަދު ޓްވިޓާގައި ބައެއް ފަރާތްތަކުން ވިދާޅުވެފައި ވަނީ، ސުޕްރީމް ކޯޓުގެ އެ ނިންމުމާ މެދު ހާމަވެގެން ދިޔައީ ކުރާ ހުކުމަކުން ފަނޑިޔާރުން ހައްޔަރުކޮށް، ފަނޑިޔާރުގެއިން ޓިނު ނުނަގާނެކަމުގެ ޔަގީންކަން ކަމަށެވެ.

ސުޕްރީމް ކޯޓުގެ ފުރާޅުން ޓިނު ނެގުމާ ގުޅޭގޮތުން ކްރިމިނަލް ކޯޓުގެ ކުރީގެ އިސް ގާޒީ ވިދާޅުވީ ސުޕްރީމް ކޯޓުގެ ޓިނު ނަގަން ޖެހުނީ ޖުމްހޫރީ ޕާޓީގެ ލީޑަރު އަދި އޭރުގެ އިދިކޮޅު ފަރާތްތަކާ ބައިއަތު ހިފައި މަސައްކަތް ކުރަމުންދިޔަ ޤާސިމް އިބްރާހިމްގެ މައްސަލަ ބަލަމުން ދިޔަ ދެ ފަނޑިޔާރުން ކަމުގައިވާ ޢަބްދުالله ސަޢީދާއި ޢަލީ ޙަމީދަށް، ކޮންމެ މީހަކަށް 8 ލައްކަ ޑޮލަރު ދޭން ވިލާ ކުންފުނިން ނިންމި ނިންމުމާ ގުޅިގެން ކަމަށެވެ.

"ސުޕްރީމް ކޯޓުން ޓިނު ނެގީ ޤާސިމްގެ މައްސަލަ ބަލަމުންދިޔަ 2 ފަނޑިޔާރުން ކަމުގައިވާ ޢަބްދުالله ސަޢީދާއި ޢަލީ ޙަމީދަށް، ކޮންމެ މީހަކަށް 8 ލައްކަ ޑޮލަރު ދޭން ވިލާ ކުންފުނިން ނިންމުން. އެއީ 1 ފެބްރުއަރީ އަމުރާ ގުޅިގެން ދެވުނު ހަދިޔާ. ޓިނު ނެގުމުގެ ޙަޤީޤަތް އޮޅުވައިނުލައްވާ" ހައިލަމް ވިދާޅުވިއެވެ.

ރައީސް ޔާމީން މިނިވަން ކުރުމާ ގުޅިގެން، އެމަނިކުފާނަށް ބޮޑުބޭބެ ވިދާޅުވާ އަދި މި ސަރުކާރުގެ ހެރިޓޭޖް މިނިސްޓަރު ޔުމްނާ މައުމޫން ވެސް ވިދާޅުވީ މިއަދު ހާމަވެގެން ގޮސްފައި ވަނީ ސްޕްރީމް ކޯޓުގެ މިނިވަންކަމާއި އަދުލު އިންސާފު އޮތް މިންވަރުކަމަށެވެ. އަދި ފަނޑިޔާރުން ކުރާ ހުކުމަކުން އެ ފަނޑިޔާރު ހައްޔަރުކޮށް، ފުރާޅުން ޓިނު ނަގައި މިސަރުކާރުން ނުހަދާނެކަން ދިވެހި ރައްޔިތުންނަށް ޔަގީން ވެފައިވާކަމަށް ވެސް ޔުމްނާ ވިދާޅުވިއެވެ.