Friday, 20 November 2026
Advertisement
Ooredoo — Airfibre (leaderboard)
ޚަބަރު

ޑރ. އިޔާޒްގެ ރައްދު: ދީނާއި މިނިވަންކަމަށް ފުށުއަރާ ކަމެއް ހުރި ނަމަ ސާބިތު ކޮށްދެއްވާ!

ޑރ. އިޔާޒްގެ ރައްދު: ދީނާއި މިނިވަންކަމަށް ފުށުއަރާ ކަމެއް ހުރި ނަމަ ސާބިތު ކޮށްދެއްވާ!

ސެކިއުލެރިޒަމްއާއި ލާދީނިއްޔަތަށް ސަރުކާރު ކޯލިޝަންގައި ހިމެނޭ އަދާލަތު ޕާޓީން ނަސްރުދޭ ކަމަށް ތުހުމަތު ކުރައްވައި، އެ ޕާޓީގައި މިހާރު ތިބުން ހުއްދަ ނުވާނެ ކަމަށް ދީނީ ޢިލްމުވެރިޔާ ޝެއިޚް އާދަމް ނިޝާން ވިދާޅުވުމުން، ދީނީ ޢިލްމުވެރިޔާ ޑރ. މުޙައްމަދު އިޔާޒް އަބްދުއްލަތީފް ރައްދު ދެއްވައިފިއެވެ.

ޝެއިޚް އާދަމް ނިޝާންގެ ރަސްމީ ފޭސްބުކް އެކައުންޓުގައި މިއަދު ކުރެއްވި ޓްވީޓެއްގައި އެމަނިކުފާނު ވިދާޅުވީ ޢަދާލަތު ޕާޓީއަށް ސޮއިކޮށްގެން ތިބި އެމަނިކުފާނުގެ ނަޞޭޙަތް އަޑުއަހާ ޤަބޫލުކުރާ ކޮންމެ މުސްލިމް އަޚަކާއި އުޚްތަކު މިހާރުން މިހާރަށް އެޕާޓީއިން ވަކިވާން ދަންނަވާ ކަމަށެވެ.

"މިހާރު ޢަދާލަތު ޕާޓީއަކީ އިސްލާމްދީނަށް ނަޞްރުދީ ﷲގެ ޝަރީޢަތް މަތިވެރިކޮށް އަދި އިސްލާމްދީނުގެ ޢަދާވާތްތެރިންގެ އަޅުވެތިކަމުން މިދީބުގެ މިނިވަންކަމާއި އިސްތިޤްލާލް ދެމެހެއްޓުމަށް މަސައްކަތް ކުރާ ބައެއްގެ ބަދަލުގައި، ޢަލްމާނީ ސެކިއުލަރ ފަރާތްތަކާ ގުޅި ބައިޢަތު ހިފައިގެން އެމީހުން އެ ގޮވައިލާ ލާދީނީ ފަލްސަފާއަށް ފާޅުގައި ވާގިދޭ ބައެއްކަމުގައިވެ އަދި މުޝްރިކުންނަކީ މުސްލިމުންނާއި އެންމެ ޢަދާވާތްތެރި ދެކޮޅުވެރި މީސްތަކުންކަމުގައާއި އެމީހުންނަކީ އައުލިޔާއިން ކަމުގައި (ގާތް އެކުވެރިން، މަދަދުގާރުން ކަމުގައި) ނުހެދުމަށް ކީރިތި ޤުރްއާނުގައި ވަޙީ ބާއްވައިލައްވައިފައި ވަނިކޮށް އިންޑިއާގެ މުޝްރިކު ސިފައިން މި އިސްލާމީ ދީބުގައި ތިބުމަށް ފާޅުގައި ގޮވައިލައި ވަކާލާތު ކުރާ ޕާޓީއެއްކަމުގައި ވުމާ އެކު، އިސްލާމްދީނަށް ނަޞްރުދިނުމުގެ ނަމުގައި އެޕާޓީގައި ތިބުމަކީ އެއްގޮތަކަށް ވެސް ހުއްދަވާނޭ ކަމެއް ނޫނެވެ." ޝެއިޚް އާދަމް ނިޝާން ވިދާޅުވިއެވެ.

Advertisement
Ooredoo — Square (box)

ޝެއިޚް ނިޝާންގެ އެ ވާހަކަފުޅަށް ރައްދު ދެއްވައި "ދެން"އަށް މައުލޫމާތު ދެއްވަމުން ޑރ. އިޔާޒް ވިދާޅުވީ އިންޑިއާ އެއްބަސްވުމުގެ ހަގީގަތް ޝެއިޚް އާދަމް ނިޝާންއަށް އެނގިފައިނުވާ ކަމަށެވެ.

"އިންޑިއާ އެއްބަސްވުމުގެ ހަގީގަތާ ބެހޭ ގޮތުން ދެ ފަރާތުން ދެ ގޮތަކަށް މިވާހަކަ ދައްކަނީ. ސަރުކާރުން ވިދާޅުވަނީ ތިމަންނާމެން ޔަގީންކަން ދެމޭ މިޔަކު އެއްވެސް ގޯހެއް ނޯންނާނެ ކަމަށް. އަދި ތިމަންނާމެންގެ ހަށިގަނޑުގައި ލޭ ހިނގާހާ ހިނދަކު ރާއްޖޭގެ މިނިވަންކަމާއި އިސްލާމް ދީނަށް ފުށުއަރާ ފަދަ އެއްވެސް ކަމެއް ތިމަންނާމެން ނުކުރާނެކަމުގެ ޔަގީންކަން ދެމޭ. އިދިކޮޅުން މިބުނަނީ އޭގައި އެބަހުއްޓޭ މިނިވަންކަމަށް ގެއްލުންވާފަދަ ކަންކަން. ސުވާލަކީ އިދިކޮޅަށް އެބަ އޮތް ހެއްޔޭ އެގްރިމަންޓު ފެނިފައި؟" ޑރ. އިޔާޒު ސުވާލު ކުރެއްވިއެވެ.

ޑރ. އިޔާޒް އިތުރަށް ވިދާޅުވީ ދެ ޤައުމުގެ ސަރުކާރާ ދެމެދު ވެވިފައިވާ އެއްބަސްވުންތަކަކީ އާންމުން ކުރެވޭނެ އެއްޗެހި ނޫން ކަމަށެވެ.

ޝެއިޚް އާދަމް ނިޝާންގެ އެ ވާހަކަތަށް ޤަބޫލު ނުކުރެވޭ ކަމަށް ވިދާޅުވަމުން ޑރ. އިޔާޒް ވިދާޅުވީ، އިންޑިއާއާ އެކު ވެފައިވާ އެއްބަސްވުމުގައި އިސްލާމްދީނަށާއި ރާއްޖޭގެ މިނިވަންކަމަށް ފުށުއަރާ ފަދަ ކަންތައްތަކެއް ހުރި ނަމަ އެކަމެއް ސާބިތު ކޮށްދެއްވުމަށެވެ. އަދި އެކަން ސާބިތު ކޮށްދެއްވައިފި ނަމަ ޚުދު އެމަނިކުފާނު ވެސް "އިންޑިއާ އައުޓް" މުޒާހަރާގައި ބައިވެރިވެވަޑައިގަންނަވާނެ ކަމަށް ވެސް ޑރ. އިޔާޒް ވިދާޅުވިއެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.