ނަސްރުގެ ދުވަހާ ގުޅިގެން ބާރަށުގައި ހާއްސަ މައުރަޒެއް އިފްތިތާހުކޮށްފި

ނަސްރުގެ ދުވަހާ ގުޅިގެން އެމްއެންޑީއެފްއިން ބާރަށުގައި ހާއްސަ މައުރަޒެއް މިއަދު އިފްތިތާހުކޮށްފިއެވެ.
"ނަޞްރުގެ ދުވަހުގެ ސިފައިންގެ މައުރަޒު"ނަމުގައި ކުރިއަށްދާ އެ މައުރަޒު ހުޅުވައިދެއްވީ މާލެ އޭރިއާ ކޮމާންޑުގެ ކޮމާންޑަރު، އިސްމާޢީލް ނަސީރުއެވެ.
ތިނެއް ނޮވެންބަރުގެ ޢުދުވާނީ ހަމަލާގައި ޝަހީދުވި، ޝަހީދު އަލްމަރްޙޫމް އިބްރާހީމް ހުސައިން ނިސްބަތްވާ ރަށް، ހއ.ބާރަށުގެ ސްކޫލުގައި މިއަދު ފެށި އެ މައުރަޒު ކުރިއަށްދާނީ މި އަދުން ފެށިގެން މާދަމާގެ ނިޔަލަށް ހަވީރު 16:00އިން 18:00އަށް، އަދި ރޭގަނޑު 20:00އިން 22:00އަށެވެ.
މި މައުރަޒުން ނޮވެމްބަރު ތިނެއްގެ އުދުވާނީ ހަމަލާތައް ފެށި ވަގުތުން ފެށިގެން ދިވެހިންނަށް ނަސްރު ލިބުމާ ހަމައަށް ހިނގައިދިޔަ ކަންތައްތައް ވަގުތު ފީތާއެއް ގޮތަށް ސިފަ ކޮށްލެވޭނެހެން އެ ދުވަހުގެ ފޮޓޯތަކާއި، ކުރެހުންތަކާއި، އަޑާއި މަންޒަރާއި، އަދި ލިޔުންތައް ވަނީ ހިމަނާފައެވެ. އަދި، ދިވެހި ސިފައިންނާއި ދިވެހިން ވީ ގުރުބާނީއާއި ދެއްކި ގަދަހިތްވަރު، މި މައުރަޒުން ތަސައްވުރުކޮށްލެވޭނެއެވެ.
.ބާރަށުގައި މި މައުރަޒު ބޭއްވުމަށް ޓަކައި ބާރަށު ކައުންސިލުން ވެދެއްވާ އެހީތެރިކަމުގެ އަގުވަޒަންކޮށް އެމްއެންޑީއެފުން ވަނީ އެ ކައުންސިލަށް ހަނދާނީ ފިލައެއް އަރުވާފައެވެ.





ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.