ކޮވިޑް-19 އަދާހަމަ: ފައްސިވި އަދަދުތައް މިއަދު ރިކޯޑު އަދަދަކަށް މައްޗަށް!

ރާއްޖެއިން މިއަދު އިތުރު 190 މީހުން ކޮވިޑް19އަށް ފައްސި ވެއްޖެއެވެ.

ޕްރޮޓެކްޝަން އޭޖެންސީ (އެޗްޕީއޭ)ގެ ތަފާސް ހިސާބުތަކުން ދައްކާ ގޮތުގައި މިއަދު މާލެއިން ފައްސިވީ 47 މީހުންނެވެ. އަދި އަތޮޅުތެރެއިން މި ބައްޔަށް 71 މީހުން ފައްސިވެފައިވެއެވެ.

ހިންގަމުން އަންނަ ރިސޯޓުތަކުން މިއަދު ފައްސި 71 މީހަކު މި ބައްޔަަށް ފައްސި ވެފައިވެއެވެ. އަދި ކަނޑުއުޅަނދުފަހަރުން އެކަކު ފައްސިވެފައިވެއެވެ.

މިހާރު ރާއްޖެއިން ކޮވިޑް-19އަށް މުޅިއަކު ފައްސިވެފައި ވަނީ 95،222 މީހުންނެވެ.

މިހައިތަނަށް މި ބަލިން ފަސޭހަވެފައި ވަނީ ޖުމްލަ 92،820 މީހުންނެވެ. ރާއްޖެއިން ކޮވިޑް-19އަށް ހޮސްޕިޓަލުތަކުގައި މިވަގުތު ފަރުވާ ދެމުންދަނީ 11 މީހުންނަށެވެ. އަދި މި ބަލީގައި ރާއްޖެއިން މިހައިތަނަށް 262 މީހުން ނިޔާވެފައިވެއެވެ.