ނ. އަތޮޅުގެ ފަސް ރަށަކަށް މާދަމާ ރައީސް ޞާލިޙް ވަޑައިގަންނަވަނީ

ނ. އަތޮޅުގެ ރަށްތަކަށް ކުރައްވާ ރަސްމީ ދަތުރުފުޅެއްގައި، އެ އަތޮޅުގެ ފަސް ރަށަކަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ވަޑައިގަންނަވަން ހަމަޖެހިއްޖެއެވެ.

Ads by MWSC

ރައީސް އޮފީހުގެ ތަރުޖަމާނު މަބްރޫކް އަޒީޒް މިއަދު ކުރެއްވި ޓްވީޓެއްގައި ވިދާޅުވީ މާދަމާ ހެނދުނު ރައީސް ޞާލިޙް ފައްޓަވާ އެ ދަތުރުފުޅުގައި، ނ. އަތޮޅު މާފަރު، ލަންދޫ، މަނަދޫ، މަގޫދޫ އަދި ހޮޅުދުއަށް ވެސް ވަޑައިގަތުމަށް ހަމަޖެހިފައިވާ ކަމަށެވެ.

"މި ދަތުރުފުޅުގައި އެ އަތޮޅު ކައުންސިލާއި ރަށު ކައުންސިލްތަކާއި އަދި ރަށްރަށުގެ އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ މެމްބަރުންނާއި އަދި ރައްޔިތުންނާ ރައީސް ބައްދަލުކުރައްވާނެ" މަބްރޫކް ވިދާޅުވިއެވެ.

މިއީ މި އައު އަހަރު ފެށުނު ފަހުން އަތޮޅުތަކަށް ރައީސް ޞާލިޙް ކުރައްވާ ފުރަތަމަ ދަތުރުފުޅެވެ.