ވެކްސިން ބޫސްޓަރު ޖެހުމަށް ރައީސް ޞާލިޙް އިލްތިމާސް ކުރައްވައިފި

ކޮވިޑް-19އިން ދިފާއުވުމަށް ޖަހަމުން އަންނަ ކޮވިޑް-19 ވެކްސިންގެ ތިންވަނަ ޑޯޒް ޖެހުމަށް ރައީސް ޞާލިހް ގޮވައިލައްވައިފިއެވެ.

Ads by STELCO

މިއަދު ކުރެއްވި ޓްވީޓެއްގައި ރައީސް ޞާލިޙް ވިދާޅުވީ، ކޮވިޑް-19 އޮމިކްރޮން ވޭރިއަންޓުން ދިފާއުވުމަށް އޮތް އެންމެ މުހިންމު ހަތިޔާރަކީ ވެކްސިނުް އިމިއުނިޓީ ކަމަށެވެ. އަދި ވެކްސިން ޖެހިތާ ހަ މަސްވެފައިވާ ނަމަ ވެކްސިންގެ ބޫސްޓަރ ޝޮޓް ނެގުމަށް ރައީސް އިލްތިމާސް ކުރެއްވިއެވެ.

18 އަހަރުން މަތީގެ އެންމެންނަށް ވެކްސިން ބޫސްޓަރ ދިނުން މިއަދު ވަނީ ފަށައިފައެވެ.

މާލޭ ސަރަހައްދުގައި ކޮވިޑް-19 ބޫސްޓަރު ޖަހަން ބޭނުންވާ ފަރާތްތަކުން https://book.hpa.gov.mv ވަޑައިގެން އެޕޮއިންޓްމެންޓް ހެދޭނެއެވެ.

މިހައިތަނަށް ރާއްޖޭގައި 29،000 މީހުންނަށް ވަނީ ބޫސްޓަރ ޝޮޓް ދީފައެވެ. ބޫސްޓަރޝޮޓްގެ ގޮތުގައި ދެމުން އަންނަނީ ފައިޒާ ވެކްސިނެވެ.