އިނގިރޭސި ވިލާތުގެ ސުކޫލުތަކުގައި ޓީޗަރުން މާސްކް ނާޅަން އަންގައިފި

ކޮވިޑް-19އާ އެކު އަޅައިފައިވާ ފިޔަވަޅުތަކަށް އިނގިރޭސިވިލާތުގައި ލުއި ދިނުމުން، ސްކޫލުތަކުގައި ކިޔަވައިދޭއިރު މާސްކް ނޭޅުމަށް އިނގިރޭސިވިލާތުގެ ބޮޑު ވަޒީރު ބޮރިސް ޖޯންސަސް ސްކޫލުތަކަށް އަންގައިފިއެވެ.

Ads by WAMCO

އިނގިރޭސި ވިލާތުގައި ކޮވިޑް-19 އައު ވޭރިއަންޓް އޮމިކްރޮން ފެތުރެން ފެށުމާ އެކު ރައްކާތެރިކަމުގެ ފިޔަވަޅުތައް ވަނީ ހަރުކަށިކޮށްފައެވެ. އެހެން ނަމަވެސް މިއަންނަ ބުރާސްފަތި ދުވަހުން ފެށިގެން ލުއިތައް ދިނުމަށް ވަނީ ނިންމައިފައެވެ. ދޭން ނިންމި ލުއިތަކުގެ ތެރޭގައި މާސްކް އެޅުން ލާޒިން ނުކުރުުން ހިމެނެއެވެ. މިގޮތުން ސްކޫލުގެ ދަރިވަރުން ވެސް މާކްސް އަޅާކަށް ދެން ނުޖެހޭނެއެވެ.

ބޮޑުވަޒީރުގެ ތަރުޖަމާނަކު ވިދާޅުވީ "މުޅި ބަލިމަޑުކަމުގެ ތެރޭގައި ވެސް އެންމެ ބޮޑު ގެއްލުމެއް ލިބުނު އެއް ބަޔަކީ ކުޑަކުދިން" ކަމަށާއި ބޮޑު ވަޒީރު، "ކުޑަކުދިންނަށް ފޭސް ޓު ފޭސް އެޑިއުކޭޝަން ލިބުމަކީ ވަރަށް މުހިންމު ކަމެއް ކަމަށް ގަބޫލުކުރައްވާ ކަމަށާއި އަދި ކްލާސްރޫމްގައި އާދައިގެ ތަޖުރިބާއެއް ލިބިގަނެވޭނީ މާސްކް ނަގައިގެން ކަމަށް ޤަބޫލު ކުރާ" ކަމަށެވެ.

ބޮޑުވަޒީރު ބޮރިސް ވިދާޅުވީ، ކޮވިޑް-19 ވޭދަނަތައް މިހާރު އެ ޤައުމުގައި އެންމެ މައްޗަށް ދާނެ މިންވަރަށް މިހާރު ގޮސްފައިވާ ކަމަށެވެ.

ޑައުނިން ސްޓްރީޓްގައި ބޭއްވި ނޫސްވެރިންގެ ބައްދަލުވުމެއްގައި ޔޫކޭގެ ހެލްތު ސެކްރެޓަރީ ސާޖިދު ޖާވިދު ވިދާޅުވީ، ދެން އޮތް އެންމެ ރަނގަޅު ގޮތަކީ އާދައިގެ ރޯގާއާ އެކު އުޅެން ދަސްކުރި ގޮތަށް، ކޮވިޑާ އެކު ވެސް އުޅެން ދަސްކުރުން ކަމަށެވެ.