Friday, 20 November 2026
Advertisement
Allied Insurance (leaderboard)
ޚަބަރު

އަޑުބަރޭ ސްޓޭޓް މިނިސްޓަރުކަމުގެ މަޤާމުން ވަކިކޮށްފި

ޔޫތު މިނިސްޓްރީގެ ސްޓޭޓް މިނިސްޓަރުކަމުން އަސްއަދު އަލީ (އަޑުބަރޭ) ވަކިކޮށްފިއެވެ.

އޭނާ ވަކިކޮށްފައި ވަނީ އޭނާގެ މައްޗަށް 15 ދުވަހުގެ ޖަލު ހުކުމެއް މިއަދު އިއްވުމާ ގުޅިގެންނެވެ.

އަޑު ބަރޭގެ މައްޗަށް ހުކުމްކޮށްފައި ވަނީ، ކުރީގެ ޓޫރިޒަމް މިނިސްޓަރު އަލީ ވަހީދުގެ ޖިންސީ ގޯނާގެ މައްސަލައިގައި އޭނާގެ ބަދަލުގައި ޖާމިނުވާން އެއްބަސްވެ، އަލީ ވަހީދު ރާއްޖެ ނުގެނުވުމާ ގުޅިގެންނެވެ.

Advertisement
Allied — Dhen Online (box)

އަޑުބަރޭ މަޤާމުން ވަކިކުރަން މިއަދު ނިންމައިފައިވާ އިރު، މިވަގުތު އަޑުބަރޭ ހުންނެވީ ރަސްމީ ދަތުރުފުޅެއްގައި ށ. އަތޮޅުގައެވެ.

މިއަދު ކްރިމިނަލް ކޯޓުގައި އޮތް ޝަރީއަތުގެ އަޑު އެހުމަށް އަޑުބަރޭ ހާޒިރުވެފައެއް ނުވެއެވެ. އަޑުބަރޭގެ މައްޗަށް ޙުކުމްކޮށްފައި ވަނީ އޭނާގެ ޣައިރު ހާޒިރުގައެވެ.

ކޯޓުގައި ދައުލަތުން އެދިފައި ވަނީ އަޑުބަރޭއަށް އެއް އަހަރު ދުވަހުގެ ޙުކުމެއް ކޮށްދިނުމަށެވެ. މީހަކު ޖާމިނު ކޮށްފައި ދޫކުރާ އިރު ކޯޓުން ކުރާ ޝަރުތުތަކާ ހިލާފުވެއްޖެ ނަމަ، ޖާމިނުވި މީހާއާ ދެކޮޅަށް އެޅޭ ފިޔަވަޅުތަކަކީ އެއް އަހަރަށް ވުރެ ދިގު ނޫން މުއްދަތަކަށް ޖަލަށްލުން ނުވަތަ ގިނަވެގެން ދެ އަހަރަށް ގޭގައި ބަންދު ކުރުން ނުވަތަ 15،000ރ.އަށް ވުރެ ބޮޑު ނޫން އަދަދަކުން ޖޫރިމަނާ ކުރުމެވެ.

އަލީ ވަހީދު ރާއްޖެއިން ފުރަން ޕާސްޕޯޓް ދޫކޮށްފައިވަނީ އަޑުބަރޭ ޖާމިނުކޮށްފައެވެ. ޖިންސީ ގޯނާގެ ކުރުމުގެ މައްސަލައިގެ ޝަރީއަތް ފެށިފައި ވަނިކޮށް، އަލީ ވަހީދު ވަނީ ބޭސްފަރުވާއަށް ބޭރަށް ގޮސްފައެވެ. އޭނާގެ ޕާސްޕޯޓް ދޫކޮށްފައި ވަނީ ހަތަރު މަސްފަހުން ރާއްޖެ އަންނަ ގޮތަށެވެ. އަދި ނައިސްފި ނަމަ އެކަމުގެ ޒިންމާ އަޑުބަރޭ ނަގާ ގޮތަށެވެ. ނަމަވެސް މިދިޔަ އަހަރު ފެބްރުއަރީ މަހު ރާއްޖެއިން ފުރައިގެން ދިޔަ ގޮތަށް އަލީ ވަޙީދު ދިރިއުޅެމުން އަންނަނީ އިނގިރޭސިވިލާތުގައެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.