މި އަހަރުގެ މިހާތަނަށް ރާއްޖެއަށް 1.9 މިލިއަނަށް ޓޫރިސްޓުން

މި އަހަރުގެ ނޮވެމްބަރު މަހުގެ 17ވަނަ ދުވަހުގެ ނިޔަލަށް ރާއްޖެއަށް ޖުމްލަ 1,9 ޓޫރިސްޓުން އައިސްފައިވާ ކަމަށް ޓޫރިޒަމް މިނިސްޓްރީގެ ތަފާސްހިސާބުތަކުން ދައްކައިފިއެވެ.
ޓޫރިޒަމް އެންޑް ސިވިލް އޭވިއޭޝަން މިނިސްޓްރީން އާންމުކޮށްފައިވާ އެންމެ ފަހުގެ ތަފާސްހިސާބުތައް ދައްކާގޮތުން، މި މުއްދަތުގައި ރާއްޖެއަށް އައި ޖުމްލަ ޒިޔާރަތްތެރިންގެ ތެރޭގައި 17,248 ބިޒްނަސް ވިޒާގައި އައި ފަރާތްތަކުގެ އިތުރުން ކްރޫޒް ލައިނާތަކުން އައި 17,061 ފަސިންޖަރުން ހިމެނެއެވެ. މިދިޔަ އަހަރުގެ މި މުއްދަތާ އަޅާބަލާއިރު، މިއީ 3.1 އިންސައްތައިގެ ދަށްވުމެކެވެ.
މިދިޔަ އަހަރުގެ ނޮވެމްބަރު 17ގެ ނިޔަލަށް ރާއްޖެއަށް 1,96 ޒިޔާރަތްތެރިން އައިސްފައިވެއެވެ. މި އަހަރު އެވްރެޖްކޮށް ދުވާލަކު 5,922 ޒިޔާރަތްތެރިން ރާއްޖެއަށް އައިސްފައިވާއިރު، ހިނގަމުންދާ ނޮވެމްބަރު މަހުގެ ފުރަތަމަ 17 ދުވަހުގެ ތެރޭގައި 103,778 ފަތުރުވެރިން ވަނީ ރާއްޖެއަށް ޒިޔާރަތްކޮށްފައެވެ.
އެންމެ ގިނައިން ފަތުރުވެރިން އައި ގައުމުތައް:
މި އަހަރުގެ މިހާތަނަށް ރާއްޖެއަށް އެންމެ ގިނައިން ފަތުރުވެރިން ޒިޔާރަތްކޮށްފައި ވަނީ ޗައިނާއިންނެވެ. އެ ގައުމުން 342,376 ފަތުރުވެރިން އައިސްފައިވާއިރު، މިއީ ޖުމްލަ ފަތުރުވެރިންގެ 18.3 އިންސައްތައެވެ. ދެވަނައިގައި އޮތް ރަޝިއާއިން 272,052 ފަތުރުވެރިން (14.6 އިންސައްތަ) އަދި ތިންވަނައިގައި އޮތް އިނގިރޭސިވިލާތުން 145,464 ފަތުރުވެރިން (7.8 އިންސައްތަ) ވަނީ ރާއްޖެއަށް އައިސްފައެވެ. މީގެ އިތުރުން ގަދަ 10ގައި ހިމެނޭ އެހެން ގައުމުތަކަކީ ޖަރުމަނުވިލާތް، އިޓަލީ، އިންޑިއާ، އޮސްޓްރޭލިއާ، އެމެރިކާ، ފަރަންސޭސިވިލާތް އަދި ސްޕެއިންއެވެ.
އެއާޕޯޓުތަކާއި އެކޮމޮޑޭޝަން ތަފާސްހިސާބު:
ރާއްޖެއަށް އައި ޒިޔާރަތްތެރިންގެ 99.1 އިންސައްތަ މީހުން އެތެރެވެފައި ވަނީ ވައިގެ މަގުންނެވެ. އޭގެ ތެރެއިން ވެލާނާ އިންޓަނޭޝަނަލް އެއާޕޯޓު މެދުވެރިކޮށް 1,861,915 މީހުން އެތެރެވެފައިވާއިރު، ގަން އިންޓަނޭޝަނަލް އެއާޕޯޓުން 6,759 މީހުން އަދި މާފަރު އިންޓަނޭޝަނަލް އެއާޕޯޓުން 6,133 މީހުން ވަނީ ރާއްޖެ އެތެރެވެފައެވެ.
ފަތުރުވެރިން ޗުއްޓީ ހޭދަކުރި ތަންތަނަށް ބަލާއިރު، 73.9 އިންސައްތަ ފަތުރުވެރިން ތިބީ ރިސޯޓުތަކުގައެވެ. ގެސްޓްހައުސްތަކުގައި 21.8 އިންސައްތަ ފަތުރުވެރިން ތިބިއިރު، ހޮޓާތަކުގައި 2.2 އިންސައްތަ އަދި ސަފާރީ އުޅަނދުތަކުގައި 2.0 އިންސައްތަ ފަތުރުވެރިން ވަނީ ޗުއްޓީ ހޭދަކޮށްފައެވެ.




ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.