ޖަލު ހުކުމެއް އިއްވައިފައިވާ އަޑުބަރޭ އެނބުރި ރާއްޖެ އަތުވެއްޖެ

ކޯޓުގެ ހުރުމަތް ކެނޑުމުގެ ކުށުގައި ޖަލު ހުކުމެއް އިއްވައިފައިވާ، ޔޫތު މިނިސްޓްރީގެ ކުރީގެ ސްޓޭޓް މިނިސްޓަރު އަސްހަދު އަލީ (އަޑުބަރޭ) މިއަދު ރާއްޖެ އަތުވެއްޖެއެވެ.

Ads by Sosun Fihaara

އަޑުބަރޭގެ މައްޗަށް އިއްވައިފައި ވަނީ 15 ދުވަހުގެ ޖަލު ހުކުމެކެވެ. އޭނާގެ މައްޗަށް މިމަހުގެ ތިންވަނަ ދުވަހު އެ ހުކުމް އިއްވައިފައި ވަނީ، ޖިންސީ ގޯނާގެ ތުހުމަތު އެޅިފައިވާ ކުރީގެ ޓޫރިޒަމް މިނިސްޓަރު އަލީ ވަހީދު ރާއްޖެއިން ބޭރަށް ފުރަން ޖާމިނުވެ، އަލީ ވަހީދު ޝަރީއަތަށް ހާޒިރުނުކޮށްދިން މައްސަލައިގައެވެ.

އަޑުބަރޭ ރާއްޖެ އައިސް ކަރެކްޝަނާ ޙަވާލުވެފައިވާ ކަމަށް ވެސް މައުލޫމާތު ލިބިފައި ވެއެވެ.

އަޑުބަރޭގެ މައްޗަށް ޖަލު ޙުކުމެއް އިއްވުމާ ގުޅިގެން އޭނާ އަދާ ކުރަމުން ދިޔަ ސްޓޭޓް މިނިސްޓަރުކަމުގެ މަޤާމުން އޭނާ ވަނީ ދުރުކޮށްފައެވެ.