ކޮވިޑް-19 އަދާހަމަ: އަތޮޅުތެރޭގެ ނަންބަރުތައް އަދިވެސް 500އާ ގާތްކުރޭ

ރާއްޖެއިން މިއަދު އިތުރު 656 މީހުން ކޮވިޑް-19އަށް ފައްސި ވެއްޖެއެވެ.

ހެލްތު ޕްރޮޓެކްޝަން އޭޖެންސީ (އެޗްޕީއޭ)ގެ ތަފާސް ހިސާބުތަކުން ދައްކާ ގޮތުގައި މިއަދު މާލެއިން ފައްސިވީ 79 މީހުންނެވެ. އަދި އަތޮޅުތެރެއިން މި ބައްޔަށް 497 މީހުން ފައްސިވެފައިވެއެވެ.

ހިންގަމުން އަންނަ ރިސޯޓުތަކުން މިއަދު ފައްސި 48 މީހަކު މި ބައްޔަަށް ފައްސި ވެފައިވެއެވެ.

މިހައިރު ރާއްޖެއިން ކޮވިޑް-19އަށް މުޅިއަކު ފައްސިވެފައި ވަނީ 165،729 މީހުންނެވެ.

މިހައިތަނަށް މި ބަލިން ފަސޭހަވެފައި ވަނީ ޖުމްލަ 150،436 މީހުންނެވެ. ރާއްޖެއިން ކޮވިޑް-19އަށް ހޮސްޕިޓަލުތަކުގައި މިވަގުތު ފަރުވާ ދެމުންދަނީ 23 މީހުންނަށެވެ. އަދި މި ބަލީގައި ރާއްޖެއިން މިހައިތަނަށް 292 މީހުން ނިޔާވެފައި ވެއެވެ.