ބޭސް ފަރުވާއަށް ، ޕެސްޓް ބަންދުން ދޫކޮށްލައިފި

މަސްތުވާތަކެތީގެ ބޮޑެތި ދައުވާތަކެއް އުފުލައި ޝަރީއަތް ނިމެންދެން ބަންދުކޮށްފައި ހުރި، ރާއްޖޭގެ މަޝްހޫރު ރެޕް އާޓިސްޓް، އިސްމާއިލް އިފްހާމް މުހައްމަދު (ޕެސްޓް) ބޭސް ފަރުވާއަށް ބަންދުން ދޫކޮށްލައިފިއެވެ.

Ads by STELCO

ޝަރުތުތަކެއް ކުރުމަށް ފަހު، މިއަދު ކްރިމިނަލް ކޯޓުގައި އޮތް އަޑު އެހުމުގައި ޕެސްޓް ވަނީ ބަންދުން ދޫކޮށްލައިފައެވެ. އޭނާ ބަންދުން ދޫކޮށްލައިފައި ވަނީ ދެ މަހަށެވެ.

ދައުލަތުން ޕެސްޓުގެ މައްޗަށް ވަނީ ފަސް ދައުވާއެއް ކޮށްފައެވެ. އެއީ:

• ޑައިމޯފިން ޓްރެފިކް ކުރުމުގެ ދައުވާ
• ކެނަބިސް ޓްރެފިކް ކުރުމުގެ ދައުވާ
• މަސްތުވާއެއްޗެއް ޓްރެފިކް ކުރުމުގެ ދައުވާ
• ކެނަބިސް ބޭނުން ކުރުމުގެ ދައުވާ
• ކުށްކޮށްގެން ހޯދައިފައިވާ މުދަލާއި ފައިސާ އަތުގައި ބެހެއްޓުމާއި ސިއްރު ކުރުމުގެ ދައުވާ

އެ ދައުވާތައް ސާބިތުވެއްޖެ ނަމަ، މަދުވެގެން 50 އަހަރަށް ވުރެ ދިގު ޖަލު ހުކުމެއް އޭނާގެ މައްޗަށް އަންނާނެއެވެ.

ޕެސްޓް ހައްޔަރުކޮށްފައި ވަނީ މިދިޔަ އަހަރު ފެބްރުއަރީ މަހުގެ ތެރޭގައެވެ. އޭނާ މައްސަލަ ނިމެންދެން ބަންދު ކުރަން ކްރިމިނަލް ކޯޓުން އޭރު ކުރި ހުކުމް، ހައި ކޯޓުން ވެސް ވަނީ ދަމަހައްޓައިފައެވެ.