ނީލަން ފިހާރައިގެ މަގުމަތިން ތަކެތި ނަގަން އަނެއްކާ ވެސް އަންގައިފި
މާލޭގައި ނީލަން މުދާ ވިއްކަމުންދާ ސަރަހައްދުގައި މަގު މައްޗަށްވާ ގޮތަށް ހުރި މުދަލާއި ކުނިތައް ނަގައި ސާފުކުރުމަށް މާލެ ސިޓީ ކައުންސިލުން އަނެއްކާ ވެސް އަންގައިފިއެވެ.
އެ ސަރަހައްދުގައި މަގުމަތީގައި މުދާ ބަހައްޓައިގެން ވިޔަފާރި ނުކުރަން މީގެ ކުރިން ވެސް ސިޓީ ކައުންސިލުން ވަނީ އަންގައިފައެވެ.
މާލެ ސިޓީ ކައުންސިލުން މިއަދު ކުރި އިއުލާނެއްގައި ބުނެފައި ވަނީ މާލޭ ދެކުނު ފަރާތުގައި ކުރީގެ އެއް ނަމްބަރު ކުނިކޮށި ހިމެނޭ ފަޅުމަތީ މަގުގެ ސަރަހައްދުގައި އެކި ފަރާތްތަކުން މުދާ ބަހައްޓައިގެން ވިޔަފާރި ކުރަމުންދާ ކަމަށާއި މަގު މައްޗަށް ވެސް ކުނި އަޅަމުންދާ ކަމަށެވެ.
އެ ފަދައިން ކަންތައް ނުކުރުމަށް މާލެ ސިޓީ ކައުންސިލުން މީގެ ކުރިން ވެސް އަންގައިފައި ވާތީ، އެ ސަރަހައްދުގެ މަގުމައްޗާއި، ނީލަން މުދާ ވިއްކާ ގޮޅިތަކުން ބޭރުގައި ހުރި އެކި ބާވަތްތަކުގެ މުދަލާއި މަގުމައްޗަށް އަޅައިފައި ހުރި ކުނި، މި މަހުގެ 10ވާ ބުރާސްފަތި ދުވަހުގެ އިރުއޮއްސި 6:00ގެ ކުރިން ނަގައި ފަޅުމަތީ މަގު ސާފުކުރުމަށް ކައުންސިލުން ވަނީ އަންގައިފައެވެ.
ތިޔަ އަންގަނީ އެތަނަކީ ސިޓީ ކައުންސިލުން ކުއްޔަދީ އެގްރިމެންޓަކުން ގާނޫނީ ބާރު ލިބިދޭ ތަނެއްތޯ ؟ ނުވަތަ މޭޔަރު އަޑީގައި ހުންނަވައިގެން ކުރާ ވިޔަފާރިޔެއްތޯ؟
ސޯސަންމަގު ދުވާރުމަތީގައި ހިޔާކޮއްގެން ބާ މުދާ ވިއްކަން ގަސްތު ކުރަން
ހޭކެޑިދާނޭ ސިޓީ ކައުންސިލޯ.