އެސެޓް ރިކަވަރީ ކޮމިޝަން އުވައިލައިފި
އެސެޓް ރިކަވަރީ ކޮމިޝަން ރައީސް އިބްރާހިމް މުޙައްމަދު ޞާލިޙް އުވައިލައްވައިފިއެވެ.
ރައީސް އޮފީހުން މިކަމާ ގުޅޭގޮތުން މިއަދު ކުރި އިއުލާނެއްގައި ވިދާޅުވެފައި ވަނީ 1 ޖަނަވަރީ 2012އިން ފެށިގެން 17 ނޮވެންބަރު 2018ގެ ނިޔަލަށް ހިނގާފައިވާ ޚިޔާނާތާއި، ދައުލަތުގެ މުދަލާއި ފައިސާ ނަހަމަ ގޮތުގައި ބޭނުން ކުރުމުގެ ގިނަ މައްސަލަތައް އެކިއެކި ސަބަބުތައް މެދުވެރި ވެގެން، އެކަށީގެންވާ މިންވަރަށް ތަޙުޤީޤު ކުރެވި އިންސާފު ޤާއިމު ކުރެވިފައި ނުވާތީ އެ މައްސަލަތައް ތަޙުޤީޤުކުރުމުގެ މަޤުޞަދުގައި 17 ނޮވެންބަރު 2018ވީ ހޮނިހިރު ދުވަހު، ރައީސުލްޖުމްހޫރިއްޔާގެ ޤަރާރު ނަންބަރު 14/2018އިން އުފެއްދެވި "ޕްރެޒިޑެންޝަލް ކޮމިޝަން އޮން ކޮރަޕްޝަން އެންޑް އެސެޓް ރިކަވަރީ" ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، މިއަދު އުވައިލައްވައިފައިވާ ކަމަށެވެ.
މި ކޮމިޝަން އުވާލެއްވުމާ އެކު މި ކޮމިޝަނުން ކުރަމުން އައި މަސައްކަތް ދެން ކުރާނީ ކަމާ ގުޅުން ހުރި މުއައްސަސާތަކުން ކަމަށް ވެސް ރައީސް އޮފީހުން ވިދާޅުވެފައިވެއެވެ.
އެމްއެމްޕީއާރްސީގެ ހިޔާނާތުގެ މައްސަލަ ބެލުމަށް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިޙް އުފައްދަވައިފައިވާ އެސެޓް ރިކަވަރީ ކޮމިޝަންގެ މަސައްކަތްތައް ކުރިއަށް ނުދާތީ ގިނަ ބައެއްގެ ފާޑުކިޔުން ވަނީ އެ ކޮމިޝަނަށް އަމާޒުވެފައެވެ. އެކަމާ ގުޅޭގޮތުން އެކޮމިޝަންގެ ރައީސް އަހްމަދު އައްސަދު މީގެ ކުރިން ބައެއް މީޑިޔާތަކަށް މައުލޫމާތު ދެއްވަމުން ވިދާޅުވީ ކޮމިޝަނުން ބަލަމުންދާ މައްސަލަތަކުގެ ތަހްގީގު ލަސްވަނީ ކޮމިޝަނަށް ހާޒިރުވާން އަންގާ މީހުން ކޮވިޑް19 އުޒުރަކަށް ދައްކާ އެ ކޮމިޝަނަށް ހާޒިރު ނުވުމުން ކަމަށެވެ.
ގިނައިން ބަސްޓުވަނީ އެމްޑީޕީ ކުދިން ވީމާ އުވާ ނުލާވެސް ކުރެވޭނެ ކަމެއްނެއްތާ !
ދސގސދގ