ރައީސްގެ ލީގަލް ކައުންސިލުގެ މަގާމުން އަބްދުﷲ އަފީފު ވަކިކުރައްވައިފި

ރައީސުލްޖުމްހޫރިއްޔާގެ ލީގަލް ކައުންސިލުގެ މަގާމުން އަހުމަދު އަބްދުﷲ އަފީފު ވަކިކުރައްވައިފިއެވެ.

Ads by MWSC

"ދެން"އަށް އެނގިފައިވާ ގޮތުގައި ލީގަލް ކައުންސިލް ޓު ދަ ޕްރެޒިޑެންޓްގެ މަގާމުން އަބްދުﷲ އަފީފު ވަކިކުރެއްވީ މިއަދުއެވެ.

ނަމަވެސް މިކަމާ ގުޅޭގޮތުން ރައީސް އޮފީހުން ރަސްމީކޮށް އަދި ވަކި އެއްޗެއް ވިދާޅެއް ނުވެއެވެ. އަދި އޭނާ އެ މަގާމުން ވަކިކުރި ސަބަބެއް ވެސް އަދި އެނގިފައެއް ނުވެއެވެ.

އަބްދުﷲ އަފީފު މަގާމުން ވަކި ކޮށްފައި މިވަނީ އޭނާގެ މަގާމުގެ ޒިންމާ އަދާ ކުރުމުގައި މައްސަލަތަކެއް ހުރި ކަމަށް ބުނެ ފާޑުކިޔުންތަކެއް އަމާޒުވެފައި ވަނިކޮށެވެ.