ޤާނޫނާ ޚިލާފު އެއްވެސް ހަރަކާތަކަށް ޖާގައެއް ނުދެވޭނެ: މިނިސްޓަރ އިމްރާން
ރާއްޖޭގެ ޤާނޫނުތަކާއި ގަވާއިދާ ޚިލާފަށް ހިންގޭ އެއްވެސް ހަރަކާތަކަށް ދިވެހި ފުލުހުން ޖާގަ ނުދޭނެކަމަށް ހޯމް މިނިސްޓަރ އިމްރާން އަބްދުﷲ ވިދާޅުވެއްޖެއެވެ.
މިނިސްޓަރ އިމްރާން މިފަދައިން ވިދާޅުވީ ރައްޔިތުންގެ މަޖިލީހުގެ މިއަދުގެ ޖަލްސާގައި، އިދިކޮޅު ކޯލިޝަނުން ހިންގާ "އިންޑިއާ އައުޓް" ހަރާކަތް ހުއްޓުވުމަށް ފުލުހުން ކުރައްވަމުންދާ މަސައްކަތް އޮޅުންފިލުވުމަށް މެދުހެންވޭރު ދާއިރާގެ މެމްބަރު އަލީ އާޒިމް ކުރެއްވި ސުވާލަށް ޖަވާބު ދެއްވަމުންނެވެ.
މިނިސްޓަރ ވިދާޅުވީ އަންނަ ހުކުރު ދުވަހު “އިންޑިއާ އައުޓް” ހަރަކާތެއް ކުރިޔަށް ގެންދަން އުޅޭކަމުގެ މަޢުލޫމާތު ލިބިފައިވާ ކަމަށާއި އެ ހަރަކާތް ހިންގާ ފަރާތްތަކާ ބައްދަލުކޮށްފައިވާ ކަމަށް މިނިސްޓަރ ވިދާޅުވިއެވެ.
ޤާނޫނާ ޚިލާފް އެއްވެސް ހަރަކާތެއް ހިންގުމަށް ފުލުހުން ޖާގަ ނުދޭނެކަމަށް ދަންނަވައިފައި ވާނެކަމަށް މިނިސްޓަރ އިމްރާން ވިދާޅުވިއެވެ. އަދި މިމައްސަލައިގައި މިހާރު ވެސް މަޖިލީހުގެ 241 ކޮމެޓީއާ އެކު މަސައްކަތް ކުރަމުންދާކަމަށް ވިދާޅުވިއެވެ.
"އިންޑިއާ އައުޓް"ކެމްޕޭނުގެ ސަބަބުން ޤައުމުގެ ދާޚިލީ ސަލާމަތަށް ނުރަނގަޅު އަސަރު ފޯރުން ބޮޑުކަމަށް ކޮމިޝަނަރ އޮފް ޕޮލިސް މުޙައްމަދު ޙަމީދު ވެސް ވަނީ މީގެ ކުރިން ވަނީ ވިދާޅުވެފައެވެ.
Ads by STO
