ފައްޔާޒަށް ކުޑަރިކިލިން ހޫނު މަރުހަބާއެއް!

ވެރިކަން ކުރާ އެމްޑީޕީގެ ޗެއާޕަރސަންކަމުގެ އިންތިހާބަށް ކެމްޕެއިނު ކުރުމަށް، އެ މަގާމަށް ވާދަކުރައްވާ ފައްޔާޒް އިސްމާއިލް ބ. ކުޑަރިކިއްޔަށް ވަޑައިގަތުމުން އެ ރަށުން ހޫނު މަރުހަބާއެއް ދަންނަވައިފިއެވެ.

Ads by Hajj Corporation

މި ދަތުރުގައި ފައްޔާޒުގެ ކެމްޕެއިންގައި އެންމެ އިސްކޮށް އުޅުއްވާ ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެމްބަރު ރޮޒައިނާ އާދަމާއި ސަރުކާރުގެ އިސް ބައެއް ބޭފުޅުން ބައިވެރިވެވަޑައިގެންނެވިއެވެ.

އެމްޑީޕީގެ ޗެއާޕަރސަން ހޮވުމުގެ އިންތިހާބު މެއި މަހުގެ 14ވަނަ ދުވަހަށް މިހާރު ފަސްކުރުމާ ގުޅިގެން މި އިންތިހާބުގައި ވާދަކުރައްވާ ދެ ކެނޑިޑޭޓުން ވެސް ދަނީ އަނެއްކާ ވެސް އަތޮޅުތެރޭގެ ރަށްރަށުގައި ކެމްޕެއިން ހަރަކާތްތައް ހިންގަމުންނެވެ.

އިކޮނޮމިކް މިނިސްޓަރ ފައްޔާޒް ބ އަތޮޅުގައި ހަރަކާތްތެރިވަމުންދާއިރު މި އިންތިހާބުގައި ވާދަކުރައްވާ އިމްތިޔާޒު ފަހުމީ (އިންތި) އެންމެ ފަހުން ކެމްޕެއިންގައި ހަރަކާތްތެރިވެފައި ވަނީ ހުވަދޫ އަތޮޅުގައެވެ.