ގައިދީންނަށް ޚާއްސަކޮށް ފުޓްސަލް ދަނޑެއް އަޅަނީ

ގައިދީންނާއި އޮފިސަރުންނަށް ޚާއްސަކޮށް ފުޓްސަލް ދަނޑެއް އަޅަން ނިންމައިފިއެވެ.

Ads by Hajj Corporation

ޔޫތު މިނިސްޓަރު އަހްމަދު މަހްލޫފް މިއަދު ވިދާޅުވީ، މާފުށީ ޖަލުގައި ހުކުމް ތަންފީޒުކުރަމުންދާ މީހުންނަަށް ވެސް ކަސްރަތުކޮށް އަދި ކުޅެއުޅުމުގެ ފުރުސަތު އޮންނަ ޖެހޭ ކަމަށް އެ މިނިސްޓްރީން ދެކޭ ކަމަށާއި އެހެންކަމުން ގައިދީންނަށާއި އޮފިސަރުންނަށް ޚާއްސަކޮށް ފުޓްސަލް ދެ ދަނޑެއް ތަރައްޤީ ކުރުމަށް ނިންމައިފައިވާ ކަމަށެވެ.

އެ ފުރުސަތު ޔޫތު މިނިސްޓްރީން ތަނަވަސްކޮށްދީ، ދެ ފުޓްސަލް ދަނޑު ތަރައްގީކޮށްދިނުމަށް މޯލްޑިވްސް ކަރެކްޝަނަލް ސާވިސްއާ ހަވާލުކޮށްފައިވާ ކަމަށް ވެސް މިނިސްޓަރ މަހްލޫފް ވިދާޅުވެފައިވެއެވެ.

މިކަމާ ގުޅޭގޮތުން އިތުރު ތަފްސީލެއް އަދި ލިބިފައެއް ނުވެއެވެ.