ކޮވިޑް ފެތުރުން ކޮންޓްރޯލްކުރުމާ ގުޅޭ ގޮތުން މަޝްވަރާކޮށްފި
ރާއްޖޭގައި ކޮވިޑް-19 ފެތުރުން ކޮންޓްރޯލް ކުރުމަށް އެޅިދާނެ އިތުރު ފިޔަވަޅުތަކާއި ގުޅޭ ގޮތުން މަޝްވަރާކޮށްފިއެވެ.
ހެލްތު މިނިސްޓަރު އަބްދުﷲ އަމީނާއި ޓެކްނިކަލް އެޑްވައިޒަރީ ގްރޫޕު (ޓެގް)ގެ ބޭފުޅުންނާއި އެކުގައި ހެލްތް އިމަޖެންސީ އޮޕަރޭޝަން ސެންޓަރުގައި ބޭއްވި މި ބައްދަލުވުމުގައި އަތޮޅުތެރެއިން މި ބައްޔަށް މީހުން ފައްސިވަމުން އަންނާތީ އެކަމާއި ގުޅިގެން އެޅިދާނެ ފިޔަވަޅުތަކާއި ގުޅޭ ގޮތުން ވަނީ މަޝްވަރާ ކޮށްފައެވެ.
ރާއްޖޭގައި ކޮވިޑް-19 ފެތުރޭ މިންވަރު ވަރަށް ބޮޑުތައް އިތުރުވެފައިވާއިރު ހަފްތާއެއްގެ ތެރޭގައި 500 އަށްވުރެ ގިނަ މީހުންނަށް ބަލި ވަނީ ޖެހިފައެވެ.
މާލެ ސަރަހައްދުގައި މި ބައްޔަށް ފައްސިވާ މީހުންގެ އަދަދު ގިނަވަމުން އަންނާތީ ފެށިގެން އާއްމު ތަންތަނަށް ނިކުމެ އުޅޭއިރު މާސްކު އަޅަންޖެހޭ ގޮތަށް ވަނީ މަޖުބޫރުކޮށްފައެވެ. އަދި މާސްކު ނާޅާ އުޅޭ ފަރާތްތައް 1،000 ރުފިޔާއިން ފެށިގެން ޖޫރިމަނާ ކުރުމަށް ވެސް ވަނީ ނިންމާފައެވެ.
