އިތުރު ލޮކްޑައުނަކަށް ދިއުމަކީ ކުރަން ރަނގަޅު ކަމެއް ނޫން: ރައީސް
ކޮވިޑް-19 ގެ ސަބަބުން އިތުރު ލޮކްޑައުނަކަށް ދިއުމަކީ ކުރަން ރަނގަޅު ކަމެއް ނޫން ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެއެވެ.
ރައީސް ސޯލިހު މިއަދު ކުރެއްވި ޓްވީޓެއްގައި ވިދާޅުވީ ކޮވިޑް-19 ޖެހޭ މީހުންގެ ޢަދަދުދަނީ އިތުރުވަމުން ކަމަށާއި އެހެންކަމުން ބަލިފެތުރުން ކޮންޓްރޯލް ކުރުމަށްޓަކައި ބޭރުގައި އުޅުއްވާއިރު މާސްކް އަޅުއްވަން އެދިވަޑައިގަންނަވާ ކަމަށެވެ. އަދި އެޗްޕީއޭގެ އެންގުންތަކަށް ޢަމަލުކުރައްވަން ވެސް އެމަނިކުފާނު ވަނީ އެދިވަޑައިގެންފައެވެ.
"ހުރިހާ ބޭފުޅުންގެ އެއްބާރުލެއްވުން ވަރަށް މުހިންމު. އިތުރު ފުރަބަންދަކަށް ދިއުމަކީ ކުރަން ރަނގަޅު ކަމެއްނޫން." ރައީސް ސޯލިހު ވިދާޅުވިއެވެ. https://twitter.com/ibusolih/status/1290180605229936640?ref_src=twsrc%5Etfw%7Ctwcamp%5Etweetembed%7Ctwterm%5E1290180605229936640%7Ctwgr%5E&ref_url=https%3A%2F%2Fdhen.mv%2F7806
ރައީސް ސޯލިހު މިހެން ވިދާޅުވެފައި މިވަނީ ކޮވިޑަށް ފައްސިވާ މީހުންގެ އަދަދު ބޮޑުތަނުން އިތުރުވާން ފަށެމާ ގުޅިގެންނެވެ. އެގޮތުން އިއްޔެ އެކަނި ވެސް ރާއްޖެއިން ވަނީ 215 މީހަކު މި ބައްޔަށް ފައްސި ވެފައެވެ. މިއީ ރިކޯޑު އަދަދެެއް ކަމަށްވާއިރު އޭގެތެރެއިން 149 މީހުންނަކީ ދިވެހިންނެވެ. މީގެ އިތުރުން ރާއްޖޭގައި ކޮވިޑް-19 އަށް ފައްސިވި މީހަކު ރޭވެސް ވަނީ ނިޔާވެފައެވެ.
