ކޮވިޑް-19: އަލާމާތްތަކެއް ފެނުމާއި ގުޅިގެން މަކުނުދޫ ކަރަންޓީނަށް!

ހދ. މަކުނުދޫ ގެ ބައެއް ރައްޔިތުންގެ ކިބައިން ކޮވިޑް-19 ގެ އަލާމާތްތަކެއް ފެނުމުން އެރަށް ކަރަންޓީނުގެ ކޮށްފިއެވެ.
މަކުނުދޫ ކައުންސިލު އިދާރާއަށް އެޗްޕީއޭ ގެ ފަރާތުން ފޮނުވި އެންގުމެއްގައި ބުނެފައިވަނީ މަކުނުދޫގެ ބައެއް ރައްޔިތުންގެ ކިބައިން ކޮވިޑް-19 ގެ އަލާމާތްތަކެއް ފެނުމުން ސިއްޙީ ގޮތުން އިތުރަށް ބެލުމަށް، އަދި އާއްމު ސިއްޙަތު ރައްކާތެރި ކުރުމުގެ ގޮތުން އެރަށް މިއަދުން ފެށިގެން ކަރަންޓީނު ކުރެވިފައިވާ ކަމަަށެވެ.
މަކުނުދޫ ކަރަންޓީނު ކުރުމާއި ގުޅިގެން އެރަށުގައި މިވަގުތު ތިބި އެއްވެސް މީހަކަށް އެޗްޕީއޭ އިން ވަކި ގޮތެއް އަންގަންދެން ރަށުން ފޭބުމާއި އެޗްޕީއޭ ގެ ހުއްދަނެތި އެރަށަށް އެއްވެސް މީހަކަށް އެރުން ވެސް ވަނީ މަނާކޮށްފައެވެ.