ހުޅުމާލޭގައި ގެނބިގެން ނިޔާވި މީހާ ކޮވިޑަށް ފައްސި: ޑރ. ނަޒްލާ

ހުޅުމާލޭގައި ގެނބިގެން މަރުވި މީހާ ކޮވިޑަށް ޕޮޒިޓިވް ކަމަށް ހެލްތު އިމަޖެންސީ އޮޕަރޭޝަންސް ސެންޓަރު (އެޗްއީއޯސީ)ގެ ތަރުޖަމާނު ޑރ. ނަޒްލާ ރަފީގު ވިދާޅުވެއްޖެއެވެ.

Ads by Hajj Corporation

މިއަދު މެންދުރު ހުޅުމާލޭ ފަޅުގައި އޮތް ދޯންޏެއްގެ މަސައްކަތެއް ކުރުމަށް މޫދަށް އެރި އުޅުނު 27 އަހަރުގެ ފިރިހެނަކު އަކުނިވަޔަށް ދަމައިގަނެގެން ހާލު ދެރަވެގެން ހުޅުމާލޭ ގެންދިޔައިރު ވަނީ ނިޔާވެފައެވެ.

މިރޭ ހެލްތު އެމަޖެންސީ އޮޕަރޭޝަންސް ސެންޓަރުގައި ބޭއްވި ނޫސްވެރިންގެ ބައްދަލުވުމުގައި ޑރ. ނަޒްލާ ވިދާޅުވީ ނިޔާވި މީހާ ކޮވިޑަށް ފައްސި ވެފައިވާ ކަމަށާއި ނަމަވެސް އޭނާ މަރުވީ ގެންބިގެން ކަމަށެވެ. އެހެންކަމުން އެއީ ކޮވިޑް މަރެއްގެ ގޮތުގައި ނުބަލާނެ ކަމަށް އޭނާ ވިދާޅުވިއެވެ.