ދެ ހަފްތާގެ ތެރޭ ކޮވިޑަށް ފައްސިވީ 312 މީހުން

މިދިޔަ ދެ ހަފްތާގައި ކޮވިޑް-19އަށް ރާއްޖެއިން ފައްސިވެފައި ވަނީ 312 މީހުން ކަމަށް ތަފާސް ހިސާބުތަކުން ދައްކައިފިއެވެ.

Ads by STELCO

މިއަދު އެޗްޕީއޭއިން ވަނީ 24 އޭޕްރީލްއިން ފެށިގެން މެއި 7އާ ހަމައަށް ކޮވިޑް-19އަށް ފައްސިވީ މީހުންގެ ތަފްސީލް ހާމަކުރައްވައިފައެވެ. އެގޮތުން 312 މީހަކަށް މި ބަލި ޖެހިފައިވާއިރު މާލެއިން މި ބަލި ޖެހިފައި ވަނީ 43 މީހަކަށެވެ. ބާކީ 222 މީހުންނަކީ އަތޮޅު ތެރެއިން ބައްޔަށް ފައްސިވި މީހުންނެވެ.

މިހައިތަނަށް ރާއްޖެއިން ކޮވިޑަށް ފައްސިވީ 179،483 މީހުންނެވެ. އޭގެ ތެރެއިން 298 މީހަކު ވަނީ ނިޔާވެފައެވެ.