ހެކިތަކުގައި އެތައް މައްސަލަތަކެއް ހުރި ,މަސްޢޫދަށް ހަމަލާދިންކަމަށް ބުނާ މައްސަލަ ހައިކޯޓަށް!
ދިއެފްއެމްގެ ކުރީގެ ސީއީއޯ މަސްޢޫދު ހިލްމީއަށް ހަމަލާދިން ކަމަށް ބުނާ މައްސަލަ ހައިކޯޓްގައި އިސްތިއުނާފްކުރަން ނިންމައިފިއެވެ.
މަސްއޫދު ހިލްމީއާއި އޭނާގެ އަންހެނުން ފާތިމަތު އާޝިޔާ ސައިކަލްގައި ދުއްވާލަން ނިކުމެ އުޅެނިކޮށް ލ.ފޮނަދޫ އަޙުމަދު ޝަމީމް ދަގަނޑު ބުރިއަކުން މަސްއޫދަށް ހަމަލާދިންކަމަށް ބުނެ ހުށަހެޅި މައްސަލަ އިސްތިއުނާފް ކުރުމަށް ނިންމައިފައިވާކަން ޕްރޮސެކިޔުޓަރ ޖެނެރަލްގެ އޮފީހުން ބައެއް މީޑިއާތަކަށް ވަނީ މައުލޫމާތު ދީފައެވެ. އަދި މީގެ ކުރީން އެ މައްސަލަ ބެއްލެވި ލ.ފޮނަދޫ ކޯޓްގެ މެޖިސްޓްރޭޓްގެ މައްސަލައެއް ޖުޑިޝަރީއަށް ހުށަހަޅައިފައި ވެއެވެ.
އަޙުމަދު ޝަމީމުގެ މައްޗަށް ދައުލަތުން ކުރި ދައުވާ އެންމެ ފުރަތަމަ ބަލައިފައި ވަނީ ލ.ފޮނަދޫ މެޖިސްޓްރޭޓް ކޯޓްގެ ފަނޑިޔާރު ޢަލީ ޝަރީފެވެ. ދައުވާ ލިބޭ އަހުމަދު ޝަމީމް ބަންދުގައި ހަމަސް ދުވަސް ވާންދެން އޮންނާން ޖެހުނު މި މައްސަލައިގައިި ފަނޑިޔާރު ހުކުމް ކުރެއްވީ ދަޢުވާ ސާބިތުކުރުމަށް ހުށަހަޅައިފައިވާ ހެކިތަކަށް ބަލާއިރު އެކަށީގެންވާ ޝައްކެއް ނެތް މިންވަރަށް އަޙުމަދު ޝަމީމްގެ މައްޗަށް ކުށް ސާބިތުނުވާ ކަމަށެވެ.
މި ހުކުމާ ހަމަޔަށް އައުމުގައި ފަނޑިޔާރު ވަނީ ގިނަކަންތައްތަކަށް ރިޢާޔަތް ކުރައްވައިފައެވެ.
ތ.ވިލުފުށީ ހުސްނުހީނާގޭ މަސްއޫދު ހިލްމީއަށް ލިބުނު އަނިޔާކަމަށް ދިން މައުލޫމާތުގައި ފުށުއެރުންތަކެއް
ލ.ފޮނަދޫ ރޯޝަންވިލާ ފާތިމަތު އާޝިޔާއާ ކައިވެނިކޮށްގެން ލ.ފޮނަދޫގައި ދިރިއުޅޭ މަސްޢޫދަށް ލިބުނު އަނިޔާތައް ސާބިތުކުރުމަށް ފޮނަދޫ ހެލްތު ސެންޓަރާއި ފުލުހުންގެ ލިޔުމެއް ވަނީ ޝަރީޢަތަށް ހުށަހަޅައިފައެވެ. ނަމަވެސް މި ދެ ލިޔުމުގައި ވެސް ތަފާތުތަކެއް ހުރިކަން ފަނޑިޔާރު ވަނީ ފާހަގަކުރައްވައިފައެވެ. އެ ގޮތުން ޞިއްޙީ މަރުކަޒުގެ ލިޔުމުގައި ބުނެފައިވާ ގޮތުގައި އަނިޔާވެފައި ވަނީ މަސްޢޫދުގެ ވައަތަށެވެ. ނަމަވެސް ފުލުހުންގެ ލިޔުމުގައިވާ ގޮތުގައި އަނިޔާ ލިބިފައި ވަނީ މަސްޢޫދުގެ ކަނާތު އަތްދަނޑި މައްޗަށެވެ. އަދި ޒަހަމް ހުރީ މަށައިގެން ގޮސްފައި ކަހަލަ ގޮތަކަށް ކަމަށާއި އެއީ ތޫނު އެއްޗަކުންވެފައިވާ ޒަހަމެއް ނޫން ކަމަށް ވެސް ފުލުހުންގެ ލިޔުމުގައި ބުނެފައި ވެއެވެ.
ފާތިމަތު އާޝިޔާގެ ފޯނުގެ މައުލޫމާތު ވެސް ދިމާނުވޭ
މަސްޢޫދަށް ހަމަލާދިންކަމަށް ހެކި ބަސްދިން އާޝިޔާ ބުނެފައި ވަނީ އެ ހާދިސާގެ މަންޒަރު އޭނާގެ އައިފޯން 13 ޕްރޯ މެކްސްއިން ރެކޯޑްކޮށްފައިވާ ކަމަށެވެ. ނަމަވެސް ފުލުހުން އާޝިޔާގެ އަތުން ގެންގޮސްފައި ވަނީ އައިފޯން 11 ޕްރޯ މެކްސް ފޯނެއް ކަމަށް ފުލުހުން ބުނެފައި ވެއެވެ. އަދި ހަމަލާދިންކަމަށް ބުނާ ވީޑިއޯ ހެއްކެއްގެ ގޮތުގައި ބަލައިނުގަންނަން ފަނޑިޔާރު ނިންމަވައިފައިވެއެވެ. އެ ނިންމެވުން ނިންމަވައިފައި ވަނީ އެ ފުށުއެރުން އޮތުމާ އެކު އެފަދަ މައްސަލައެއްގައި ދިވެހިރާއްޖޭގެ ހައިކޯޓުން ނިންމައިފައިވާ ޤަޟިއްޔާއަކަށް ރިޢާޔަތްކޮށެވެ. އެ ގަޟިއްޔާގައި ބުރަދަން ދީފައި ވަނީ ކަމެއްގެ އަސްލު ނެތިގެން ގޮސްފި ނަމަ އެކަމެއްގެ ފަރްޢުގައިވާ ކަންތައްތައް ވެސް ނެތިގެން ދިޔައީކަމަށް ބަލަން ޖެހޭ ފިޤުހީ ޤާއިދާއަށެވެ. އަދި ދިވެހިރާއްޖޭގެ ހައިކޯޓްގެ ނަމްބަރު 2011/HC-1-SH/01 އާއި 2013/HC-A/211އިން އެ ޤާއިދާއަށް ބާރު ދީފައިވާކަން ފަނޑިޔާރު ފާހަގަކުރެއްވިއެވެ.
ފާތިމަތު އާޝިޔާގެ ހެކި ބަހަކީ މަސްލަހަތު ފުށުއަރާ ހެކިބަހެއް
ފަނޑިޔާރު ފާހަގަކޮށްފައިވާ ކަންކަމަށް ބަލާއިރު ފާތިމަތު އާޝިޔާއަކީ މަސްޢޫދު ހިލްމީގެ އަނބިމީހާ ކަމަށްވާ އިރު މަސްޢޫދާ އެއްކޮޅަށް އަދި އަޙުމަދު ޝަމީމާ ދެކޮޅަށް އާޝިޔާ ދޭ ހެކި ބަހަކީ މަސްލަހަތު ފުށުއަރާ ހެކިބަހެއް ކަމަށް ބަޔާންކުރައްވައިފައި ވެއެވެ. އެ ގޮތުން މަތީ މަރުޙަލާގެ ކޯޓްތަކުން ނިންމާ ނިންމުންތަކަށް އެއަށް ވުރެ ދަށު ކޯޓްތަކުން ތަބާވާން ޖެހޭނެކަމަށް ޤާނޫނު އަސާސީގެ 143ވަނަ މާއްދާގެ ރ.ގައި ބަޔާންކޮށްފައިވާ ކަމަށާއި ، ދިވެހިރާއްޖޭގެ ހައިކޯޓުގެ ނަންބަރު 2013/HA-A/191 ގަޒިއްޔާގައި މި ފަދަ ހެކި ބަހަށް ބުރަދަން ދީފައި ނުވާ ކަމަށާއި އަދި ދިވެހިރާއްޖޭގެ ސްޕްރީމް ކޯޓުން ނިންމައިފައިވާ "ޢަބްދުﷲ ޙަސަން،ވ.ޕްރޮސެކިޔުޓަރ ޖެނެރަލް"ގެ ގަޒިއްޔާގައި ފާހަގަކުރައްވައިފައިވާ ހެކި ބަސް ދިނުން މަނާވާ ހާލަތްތަކުގެ ތެރޭގައި ހެކިވެރިޔާއާއި ތުހުމަތުކުރެވޭ މީހާއާ ދެމެދު މަސްލަޙަތު ތަޢާރަޒްވާ ގުޅުމެއް އޮތުން ހިމެނޭކަން ފާހަގަކޮށްފައި ވެއެވެ. އަދި ހައި ކޯޓްގެ ނަމްބަރު 2021/HC-B12/55 ގަޒިއްޔާއިން އެނގޭ ގޮތުގައި އަހުމަދު ޝަމީމާއި މަސްޢޫދު ހިލްމީއާއި ދެމެދު މައްސަލަތަކެއް ޖެހިފައިވާކަން ފަނޑިޔާރު ފާހަގަކުރެއްވިއެވެ. އެހެންކަމުން އާޝިޔާގެ ހެކި ބަހަކީ މައްސަލައިގެ ނިޔާ ކަނޑައެޅުމުގައި ޝަރީޢަތަށް ބަލައިގަނެވޭނެ ހެކިބަހެއް ނޫންކަމަށް ވަނީ ނިންމަވައިފައެވެ.
ރިޟްވާން ޙަލީމްގެ ހެކި ބަހުގެ ބުރަދަން ދަށް
ހާދިސާ ހިނގިކަމަށް ބުނާ ރޭ ، މަސްޢޫދުގައިގައި އަޙުމަދު ޝަމީމް ޖަހައިފިކަމަށް މަސްޢޫދު ބުނިކަމަށް ލ.ފޮނަދޫ ނޫރާނީގޭ ރިޟްވާން ޙަލީމް ހެކިބަސް ދީފައި ވެއެވެ. ނަމަވެސް ހާދިސާ ހިނގިކަމަށް ބުނާ ވަގުތުގައި އޭނާ ހުރީ އެހެން ތަނެއްގައި ކަމަށް ދިފާޢުން ހުށަހެޅި ހަތަރު މީހަކު ހެކިބަސް ދީފައިވާތީ ރިޟްވާން ޙަލީމްގެ ހެކިބަހުގެ ބުރަދަން ދަށްކަމަށް ނިންމަވައިފައި ވެއެވެ.
މީގެ އިތުރުން މަސްޢޫދު ހިލްމީއަށް ހަމަލާދިނުމުގައި ބޭނުންކުރި ކަމަށް ބުނާ ދަގަނޑު ބުރި ފުލުހުންގެ ތަހުގީގަށް ހޯދައިފައިވާ ކަމެއް ނުވަތަ އެ ދަގަނޑު ބުރި ހޯދުމަށް ތަޙްޤީޤްގައި ފުލުހުން ކުރި އެއްވެސް މަސައްކަތެއް ދައުލަތުން ޝަރީޢަތުގައި ބުނެދެވިފައި ނުވާކަމަށް ވެސް ފަނޑިޔާރު ފާހަގަކުރައްވައިފައި ވެއެވެ.
މި ކަންކަމުގެ އިތުރުން ދެ ފަރާތުން ހުށަހެޅި ހެކިތަކަށް ރިޢާޔަތްކޮށް ފަނޑިޔާރު ނިންމަވައިފައި ވަނީ މީހަކު ކުށެއްކޮށްފިކަން އެކަށީގެންވާ މިންވަރެއްގެ ޝައްކެއް ނެތި ޝަރީޢަތުގައި ސާބިތުނުކުރެވޭ ނަމަ އެމީހަކީ ކުށެއް ނެތް މީހެއްކަމުގައި ބެލުމުގެ ޙައްޤު ޤާނޫނު އަސާސީން ލިބިދީފައިވާ ކަމަށާއި ޝައްކެއް ނެތް މިންވަރަށް އަޙުމަދު ޝަމީމްގެ މައްޗަށް ކުށް ސާބިތު ނުވާކަމަށެވެ.
މަސްއޫދަކީ ފޭކުހެކި ހަދާމީހެއްކަން އާސިޔާއަށް ވެސް ތިސަމީމަށް ވެސް އަދި ވަރަށް ގިނަމީހުނަށް އެނގޭނެ
އަމިއްލަ އަށް ދިން އަނިޔާ ހެއްކަކަށް ނުފުދުނީމަ ވީ ގޮތް ތިފެނުނީ،،،
މަހަމަނުޖެހޭމީހަކައްހަދާފަމަގޭއަންހެންދަރިބޮލައްސަވާރުވެގެންމަގޭގޯތިނުވަދިހައަހަރަށްދިރުވާލިލާރިއަށްބުހުތުކައިފަހުރިމީހެއްތީތިގޮލާކޮންމެފަދަކަމެއްވެސްކޮށްފާނެއަދިއެބައޮތްދުވަހެއްތަޢުބާވޭ