ލިފްޓު ތެރޭގައި އަންހެނަކަށް ޖިންސީ ގޯނާކުރި މީހާ ހޯދަނީ

ފުލުހުންގެ ތަހުގީގަށް މީހަކު ހޯދުމަށް އާންމުންގެ އެހީއަށް އެދިއްޖެއެވެ.

Ads by Hajj Corporation

ފުލުހުން ވީޑިއޯއާ އެކު އާއްމުކޮށް ހޯދަން އިއުލާންކުރި މީހާއަކީ ފުލުހުންނަށް ހުށަހެޅިފައިވާ މައްސަލައަކާ ގުޅިގެން ފެމިލީ އެންޑް ޖެންޑަރ އެފެއަރޒް ޑިޕާޓްމަންޓުން ކުރަމުންދާ ތަހުގީގަށް ހޯދަން ބޭނުންވެ، ފުލުހުން މިހާތަނަށް ކުރި މަސައްކަތުން ކާކުކަން ދެނެގަނެވިފައިނުވާތީ ނުހޯދިފައިވާ މީހެއް ކަމަށް ވިދާޅުވިއެވެ.

ވީޑިއޯގައި ފެންނަ މީހާއަކީ ހެންވޭރު ގެއެއްގެ ލިފްޓް ތެރޭގައި އަންހެނަކަށް ޖިންސީ ފުރައްސާރަކުރި މީހާ ކަމަށް މައުލޫމާތު ލިބެއެވެ.

ވީޑިއޯއިން ފެންނަ މީހާއާ ބެހޭ އެއްވެސް މައުލޫމާތެއް ލިބިފައިވާ ނަމަ ފެމިލީ އެންޑް ޖެންޑަރ އެފެއަރޒް ޑިޕާޓްމަންޓްގެ ނަންބަރު 9790163އަށް ގުޅުއްވައި ހިއްސާކުރެއްވުމަށް ފުލުހުން ވަނީ އެދިވަޑައިގެންފައެވެ.