ތިނަދޫ ހޮސްޕިޓަލުން ކޮވިޑަށް ޓެސްޓު ކުރަން ފަށައިފި
ގދ. ތިނަދޫގައި ހުންނަ ޑރ. އަބްދުއްސަމަދު މެމޯރިއަލް ހޮސްޕިޓަލުން ކޮވިޑް-19 އަށް ޓެސްޓު ކުރަން ފަށައިފިއެވެ.
އެ ހޮސްޕިޓަލުން ބުނީ ކޮވިޑް-19 އިން ރައްކާތެރިވުމުގެ ގޮތުން ސަރުކާރުން ކުރަމުންގެންދާ މަސައްކަތްތަކުގެ ތެރެއިން ރާއްޖޭގެ އެކި ސަރަހައްދުތަކުގައި ކޮވިޑަށް ޓެސްޓް ކުރެވޭނެ ވަސީލަތްތައް ގާއިމް ކުރުމަށް ފަށާފައިވާ ޕްރޮޖެކްޓްގެ ދަށުން އެ ހޮސްޕިޓަލުގައި ވެސް މިއަދު ކޮވިޑަށް ޓެސްޓު ކުރުމުގެ ހިދުމަތް ފަށާފައިވާ ކަމަށެވެ.
ތިނަދޫ ހޮސްޕިޓަލުގައި ކޮވިޑަށް ޓެސްޓު ކުރަން ފަށާފައިވާއިރު އެ ހޮސްޕިޓަލުން ދުވާލެއްގެ މައްޗަށް 48 ސާމްޕަލް ޓެސްޓު ކުރެވޭނެ އެވެ.
ތިނަދޫގެ އިތުރުން ރާއްޖޭގެ އެކި ސަރަހައްދުތަކުގައި މި ބައްޔަށް ޓެސްޓު ކުރެވޭނެ އިންތިޒާމު މިހާރު ވަނީ ހަމަޖައްސާފައެވެ. އެގޮތުން އައްޑޫ އާއި ކުޅުދުއްފުއްޓާއި އުނގޫފާރުގައި ވެސް ދަނީ މި ބައްޔަށް ޓެސްޓު ކުރަމުންނެވެ.
Ads by STO
