ވަޠަނީ ފިކުރެއްގަ ރައްޔިތުންގެ ލާބަޔަށް މަސައްކަތްކުރާާ ހަމައެކަނި ޕާޓީއަކީ ޕީޕީއެމް: ރައީސް ޔާމިން
ވަޠަނީ ފިކުރެއްގައި ރައްޔިތުންގެ ހެވާއި ލާބަޔަށް މަސައްކަތްކުރާާ ހަމައެކަނި ޕާޓީއަކީ ޕީޕީއެމްކަމަށް އެ ޕާޓީގެ ރައީސް އަދި ކުރީގެ ރައީސް ޔާމިން ޢަބްދުލްޤައްޔޫމް ވިދާޅުވެއްޖެއެވެ.
ރައީސް ޔާމިން މިހެން ވިދާޅުވީ ތ.ގާދިއްފުށީ ކައުންސިލުގެ ހުސްވެފައިވާ އަންހެނުންގެ ގޮނޑިއަށް ވާދަކުރައްވާ ޕީޕީއެމްގެ ކެންޑިޑޭޓް ހައްވާ ޢަބްދުލްހާދީ ހޮވައިދިނުމަށް އެދިވަޑައިގެން އެ މަނިކުފާނު ރޭ ޢާންމުކުރެއްވި ވީޑިއޯ މެސެޖެއްގައެވެ.
ރަށްރަށުގެ ފެންވަރުގައި ވެސް ސިޔާސީ ނުފޫޒު ހިންގޭ ރަސްމީ މަޤާމުތަކުގަ ތިއްބަވާ ބޭފުޅުންނަކީ ޤައުމުގެ ހާލަތު ބަދަލުކޮށް, ޤައުމުގެ ރައްޔިތުން އެދޭ އަމާން, އުފާ ފާގަތި ތަނަވަސް ރާއްޖެއަކަށް ބަދަލުކުރަން މަސައްކަތްކުރެވޭނެ ބޭފުޅުން ކަމަށެވެ. އަދި އެ ފަދަ މަޤާމުތަކުގައި ތިއްބަވަނީ ޕީޕީއެމްގެ ބޭފުޅުންނަމަ ޤައުމު އިސްލާހުކުރަން ޕީޕީއެމްއިން ކުރާ މަސައްކަތަށް އިތުރު ކުރިއެރުމެއް ލިބިގެންދާނެ ކަމަށެވެ.
''އަޅުގަނޑުމެން ޕާޓީއަކީ މި ދެންނެވި ފިކުރުގަ މިހާރު މި އޮތް ހާލަތުން އަނެއްކާ ވެސް އަނބުރާ އަޅުގަނޑުމެންގެ ދިވެހިރާއްޖޭގެ ގޮތުގައި ދިއުމަށްޓަކާ މަސައްކަތްކުރާ ޕާޓީއެއް. ހަމައެކަނި ވަޠަނީ ފިކުރެއްގަ މި ދެންނެވި ގޮތަށް ރައްޔިތުންގެ ހެވާ ލާބަޔަށް މަސައްކަތްކުރާ ޕާޓީއެއްގެ ގޮތުގަ އަޅުގަނޑު ދެކެނީ.''
''މި ސަބަބަށްޓަކާ އަޅުގަނޑު ވަރަށް ބޮޑަށް ގާދިއްފުށީގެ ލޮބުވެތި ރައްޔިތުން އަރިހުން އެދެން ސިޔާސީ ނުފޫޒު ގާދިއްފުށީގެ ރައްޔިތުންގެ ހާލަތު ބަދަލުކުރުމަށް ފޯރުވައިދެއްވިދާނެ މެންބަރަކަށް ހައްވާ ޢަބްދުލްހާދީ ހޮވައިދެއްވައިފިއްޔާ'' ރައީސް ޔާމިން އެދިވަޑައިގެންނެވިއެވެ.
ތ.ގާދިއްފުށީ ކައުންސިލުގެ ހުސްވެފައިވާ އަންހެނުންގެ ގޮނޑިއަށް މެންބަރަކު އިންތިޚާބު ކުރާނީ އަންނަ ހޮނިހިރު ދުވަހުއެވެ.
ފޭރުމާއި ވައްކަންކުރުމަކީ، ވަޠަނީ ފިކުރުކަނުގައިވާނަމަ، ޔާމީން އެބުނީ ތެދެއް