Friday, 20 November 2026
Advertisement
Allied Insurance (leaderboard)
ޚަބަރު

ނަޝީދު ހިސާބު ޖައްސަވައިފި: މި ސަރުކާރަށް ރިޔާސީ އިންތިޚާބުގައި ލިބޭނީ 27 އިންސަައްތަ

ނަޝީދު ހިސާބު ޖައްސަވައިފި: މި ސަރުކާރަށް ރިޔާސީ އިންތިޚާބުގައި ލިބޭނީ 27 އިންސަައްތަ

ވެރިކަމުގެ ނިޒާމު ބަދަލުކުރަން އެއްބަސްނުވާނަމަ ސަރުކާރަށް ލިބޭނީ 27 ޕަސެންޓް ވޯޓް ކަމަށް އެމްޑީޕީގެ ރައީސް އަދި ރައްޔިތުންގެ މަޖިލީހުގެ ރައީސް، މުހައްމަދު ނަޝީދު ވިދާޅުވެއްޖެއެވެ.

ރައީސް ނަޝީދު މިހެން ވިދާޅުވީ، ބަރުލަމާނީ ނިޒާމަށް ތާއީދު ހޯދުމަށް މިހާރު ރައީސް ނަޝީދު ސިލްސިލާކޮށް، އެމްޑީޕީގެ ހަރުގޭގައި ބާއްވަމުން އަންނަ ޖަލްސާގެ ތެރެއިން މިރޭ ބޭއްވި ޖަލްސާގައި ދެއްކެވި ވާހަކަފުޅުގައެވެ.

ރައީސް ނަޝީދު މިރޭގެ ޖަލްސާގައި ވަނީ ހިސާބު ޖައްސަވާފައެވެ. މިގޮތުން. 2018 ވަނަ އަހަރު ރިޔާސީ އިންތިޚާބުގައި ވޯޓްދިން 233،873 މީހުންގެ ތެރެއިން، އޭގެ ތެރެއިން 42 އިންސައްތަ މީހުން ކަމަށްވާ، 98،233 މީހުންނަކީ ޕީޕީއެމް މީހުން ކަމަށާއި، އެމްޑީޕީގެ ސަރުކާރަކާއެކު އެ މީހުން މަސައްކަތް ނުކުރާނެ ކަަމަށް ވިދާޅުވިއެވެ. އަދި ވޭދުވެދިޔަ އިންތިޚާބުތަކަށް ބަލާނަމަ، ބާކީތިބި 135،000 މީހުންގެ ތެރެއިން 12 އިންސައްތަ ޖުމްހޫރީ ޕާޓީން ކަމަށް ވިދާޅުވިއެވެ. އަދި  ޖުމްހޫރީ ޕާޓީގެ 16،000 ވޯޓް، ބާކީތިބި 135،000 މީހުންގެ ތެރެއިން ނެގުމުން ވާނީ 119،000 ވޯޓް ކަމަށް ވިދާޅުވިއެވެ. އަދި އެމްއާރުއެމްއާއި އަދާލަތުން ޖުމްލައެއްކޮށް ނަގަނީ 7،000 ވޯޓް ކަމަށާއި މިހެންކަމުން އެމްޑީޕީއަށް އެކީގައި ނެގެން އޮތީ 112،000 ވޯޓް ކަމަށް ވިދާޅުވިއެވެ.

Advertisement
Ooredoo — Truecaller (box)

"އަޅުގަނޑު ޤަަބޫލުކުރާ ގޮތުގައި، އޮނިގަނޑުގެ ބަދަލާއި ނިޒާމީ ބަދަލު ނުގެނެވިއްޖެނަމަ އެމްޑީޕީ މެންބަރުންގެ ތެރެއިން 42 ޕަސެންޓް މެންބަރުން ސަރުކާރަކަށް ވޯޓެއް ނުދޭނެ. އެއީ 47،000 މީހުން. އެއްކަލަ 112،000އިން މި 47،000 ނެގީމާ ބާކީ މިއޮތީ 65،000 ވޯޓް. އެއީ ޖުމްލަ ވޯޓްލާ މީހުންގެ 27 ޕަސެންޓް" މިއީ ހިސާބުން ވަރަށް ސާފުކޮށް ފެންނަން އޮންނާން އޮތް ޙަޤީޤަތެއް ކަމަށާއި ސިޔާސީ ވާހަކައެއް ނޫން ކަމަށް ވެސް ރައީސް ނަޝީދުވިއެވެ.

"އަޅުގަނޑު ދެކޭގޮތުގައި ރައީސް އިބްރާހިމް މުހައްމަދު ޞާލިޙް ވެސް އަދި ނިޒާމީ ވޯޓަށް ފުރުސަތު ދިނުން އެއީ ބުއްދިވެރި ކަމެއް ނޫން ގޮތުގައި ދެކޭ އެމްޑީޕީގެ ހުރިހާ ބޭފުޅުންނަށް ވެސް އެނގިވަޑައިގަންނަވާނެ ފެންނަ ނުފެންނަ ވޯޓެއް އެމްޑީޕީގެ 42 ޕަސެންޓް މެމްބަރުންނަށް ނުލިބިއްޖެނަމަ އެމީހުން އެބަ ދުރުވޭ."

ރައްޔިތުންގެ ފެންނަ ނުފެންނަ ވޯޓަކުން ރާއްޖޭގެ ވެރިކަމުގެ ނިޒާމް ރިޔާސީން ބަރުލަމާނީއަށް ބަދަލުކުރަން އެމްޑީޕީގެ ކޮންގްރެސް އަށް ރައީސް ނަޝީދު ވަނީ ޤަރާރެއް ހުށަހަޅުއްވާފައެވެ. މި ޤަރާރަށް ތާއީދު ނުކުރައްވާ ކަމަށް ރައީސް އިބްރާހީމް މުޙައްމަދު ޞާލިޙް މިއަދު ވަނީ ވިދާޅުވެފައެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.