Tuesday, 17 November 2026
Advertisement
HDC — Share-Below (leaderboard)
ދުނިޔެ

ބޮލީވުޑް ތަރި، ރާޖޫ މަރުވެއްޖެ

ބޮލީވުޑް ތަރި، ރާޖޫ މަރުވެއްޖެ

ބޮލީވުޑްގެ މަޝްހޫރު ކޮމީޑިއަން ރާޖޫ ސްރިވާސްތާވް މަރުވެއްޖެއެވެ.

އުމުރުން 58 އަހަރުގައި އޭނާ ބުދަދުވަހު މަރުވެފައިވާކަން އޭނާގެ އާއިލާއިން ވަނީ ކަށަވަރު ކޮށްދީފައެވެ. އޭރު އޭނާ ގެންދިޔައީ ދިއްލީގެ ހޮސްޕިޓަލެއްގައި ބައްޔަކަށް ފަރުވާ ހޯދަމުންނެވެ. އެގޮތުން އޭނާއަށް ފަރުވާ ދޭން ފެށީ އޯގަސްޓު މަހުގެ 10 ވަނަ ދުވަހު ޖިމްގައި ހުއްޓައި އޭނާއަށް ހާޓްއެޓޭކެއް ޖެހުމުގެ ސަބަބުންނެވެ.

އޭގެ ފަހުން އޭނާ އޮތީ ލައިފް ސަޕޯޓުގައިކަމަށް ބޭރުގެ ނޫސްތަކުން ރިޕޯޓު ކުރެއެވެ.

Advertisement
Allied Insurance — Square (box)

މިދިޔަ ހަފްތާގައި އޭނާގެ ޙާލަތު ކޮންމެވެސް ވަރަކަށް ރަނގަޅުވަމުންވެސް އައިސްފައިވެއެވެ. ނަމަވެސް އޭރުވެސް އޮތީ ވެންޓިލޭޓަރުގައެވެ،

ރާޖޫ ސްރިވާސްތާވް މުނިފޫހިފިލުވުމުގެ ދާއިރާއަށް ގުޅުނީ 1980 ވަނަ އަހަރުއެވެ. އެގޮތުން އޭނާ ވަނީ ހިންދީ ފިލްމުތަކުގައި އެކްޓްކޮށްފައެވެ.

އޭގެ އިތުރުން، އިންޑިއާގެ ރިއަލިޓީ ޝޯވ "ދި ގްރޭޓް އިންޑިއަން ލާފްޓަރ ޗެލެންޖް" ގައިވެސް އޭނާ ވަނީ ބޮޑު މަޤުބޫލުކަމެއް ހޯދާފައެވެ.

އޭނާ މަަރުވުމާއި ގުޅިގެން އިންޑިއާގެ ބޮޑުވަޒީރު ނަރެންދްރަ މޯދީ ވަނީ އޭނާގެ އާއިލާއަށް ތައުޒިޔާ ވިދާޅުވެފައެވެ. އެގޮތުން އޭނާގެ މަތިން އެ ޤައުމުގެ ރައްޔިތުން ހަނދާން ނުނެތޭނެކަމަށް މޯދީ ވިދާޅުވެފައިވެއެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.