ރައީސް ޔާމީން ވަޑައިގަންނަވަނީ ބޮޑުތިލަދުންމަތީ ރައްޔިތުންގެ މާޔޫސްކަމަށް އުންމީދު ދެއްވުމަށް: އަދުރޭ
ރައީސް އަބްދުﷲ ޔާމީން އަބްދުލްގައްޔޫމް ބޮޑު ތިލަދުންމައްޗަށް ވަޑައިގަންނަވަނީ ބޮޑުތިލަދުންމަތީ ރައްޔިތުންގެ މާޔޫސްކަމަށް އުންމީދު ދެއްވުމަށް ކަމަށް ޕީއެންސީގެ ރައީސް އަބްދުއްރަހީމް ވިދާޅުވެއްޖެއެވެ.
އަދުރޭ ކުރެއްވި ޓްވީޓެެއްގައި ވިދާޅުވީ ރައީސް ޔާމީންގެ ދަތުރުފުޅަކީ މިސަރުކާރުން ރައްޔިތުންނާއިމެދު އަމަލު ކުރަމުންދާ ގޮތާއި، ރައްޔިތުންނަށް ވަމުންދާ އިހުމާލުތައް ދެނެގަތުމަށް އެމަނިކުފާނު ކުރައްވާ ދަތުރުފުޅެއްކަމަށެވެ.
އަދި މި ދަތުރުފުޅަކީ ރައްޔިތުންނަށް މިވީ ދުވަސްތަކުގައި ލިބުނު ގެއްލުންތަކުގެ ޝަކުވާތައް އަޑުއަހައި އެކަންކަމަށް އުންމީދު ދެއްވުމަށް ކުރައްވާ ދަތުރުފުޅެއް ކަމަށް އަދުރޭ ވިދާޅުވިއެވެެ.
ރައީސް ޔާމީން ބޮޑު ތިލަދުންމައްޗަށް ދަތުރުކުރެއްވުމަށް ކުރިން ތާވަލުކޮށްފައި ވަނީ މި މަހުގެ 12 ވަނަ ދުވަހުން ފެށިގެން 15 ވަނަ ދުވަހުގެ ނިޔަލަށެވެ. ނަމަވެސް މޫސުން ގޯސްވެ ވައިގަދަވުމާއި ކަނޑަުގަދަވުމުގެ ސަބަބުން ރައީސް ޔާމީން ހއ. އަތޮޅަށް ކުރައްވަން ހަމަޖެހިފައިވާ ދަތުރުފުޅު މިހާރު ވަނީ ފަސްކުރައްވާފައެވެ.
ރައީސް ޔާމީން ކުރައްވާ މި ދަތުރުފުޅުގައި އެ އަތޮޅުގެ ފަސް ރަށަކަށް ވަޑައިގަންނަވާނެއެވެ. އެއީ ކެލާ, ބާރަށް, ދިއްދޫ, އިހަވަންދޫ އަދި ތުރާކުނަށެވެ.
ރިޔާސީ ކެންޑިޑޭޓުގެ ގޮތުގައި ކުރައްވާ ދެވަނަ ދަތުރުފުޅުގެ މައިގަނޑު ސަބަބުތަކުގެ ތެރޭގައި 2023 ވަނަ އަހަރުގެ ޕީޕީއެމްގެ ރިޔާސީ މެނިފެސްޓޯއަށް މަޢުލޫމާތުތައް އެއްކުރެއްވުން ހިމެނެއެވެ.
