ޢަލީ ޒާހިރު ފައިސާއަށް ގައިދީންގެ އަދަބު ލުއިކޮށްދެއްވާކަމުގެ ތުހުމަތު
ރައީސް އޮފީހުގެ ޗީފް އޮފް ސްޓާފް ޢަލީ ޒާހިރު އަގު ނަންގަވައިގެން ގައިދީންގެ އަދަބު ލުއިކޮށްދެއްވާކަމަށް މަހިބަދޫ ދާއިރާ މެންބަރު އަޙްމަދު ޠާރިޤް ތުހުމަތު ކުރައްވައިފިއެވެ.
ޠާރިޤް މިފަދަ ތުހުމަތެއް ކުރެއްވީ ރައީސް އިބްރާހިމް މުޙައްމަދު ޞާލިޙަށް އެޑްރެސް ކުރައްވައި ރޭގެ ވަގުތެއްގައި ކުރެއްވި ޓުވީޓެއްގައެވެ.
ޠާރިޤް ވިދާޅުވީ މާފުދިނުމާއި އަދަބު ލުއިކޮށްދިނުމުގެ ގޮތުން ރައީސް އޮފީހުން ނިންމާ ނިންމުންތައް, ބާޒާރުގައި އަގު ނަގާ އުސޫލުން އަގު ނަންގަވައިގެން ޗީފް އޮފް ސްޓާފް ޢަލީ ޒާހިރު ގެންދަވަނީ ވިއްކަވަމުން ކަމަށެވެ. އެ ތުހުމަތު ކުރައްވައި ޠާރިޤް ވަނީ އެކަން ހުއްޓުވައި ދެއްވުމަށް ވެސް އެދިވަޑައިގެންފައެވެ.
''ރައީސް ސޯލިހުއަށް،
މާފުދިނުމާއި އަދަބު ލުއިކޮށްދިނުމުގެ ގޮތުން ތިޔަ އޮފީހުން ނިންމާ ނިންމުންތައް، ބާޒާރުގައި އަގު ނަގާ އުސޫލުން އަގު ނަގައިގެން ޗީފް އޮފް ސްޓާފު އަލީ ޒާހިރު އަންނަނީ ވިއްކަމުންނެވެ. މިކަން ހުއްޓުވާދޭށެވެ.
ސަލާމް މަހިބަދޫ ދާއިރާ މެންބަރު''
ޠާރިޤް މިފަދަ ތުހުމަތެއް ކުރައްވާފައިވާއިރު މީގެ ކުރިން ވެސް އިދިކޮޅު ކޯލިޝަނަށް ނިސްބަތްވާ ބައެއް މެންބަރުން ޢަލީ ޒާހިރާމެދު މިފަދަ ތުހުމަތުތައް ކުރައްވާފައިވެއެވެ.
މި ސޭޚުންތަށް ހާދަ ވަރެއް އެބަހުއްޓޭ….ހަމަ އަތް އަބުރާލާފަ.