ޑެންގީ ހުން އިތުރުވާތީ މަދިރި ނައްތާލަން އެޗްޑީސީން ބޮޑު ހަރަކާތެއް ބާއްވަނީ
މި ދުވަސްވަރު ޑެންގީ ހުން އިތުރުވެފައި ވާތީ މަދިރި ނައްތާލުމަށް ހުޅުމާލޭގައި ބޮޑު ހަރަކާތެއް ބާއްވަން އެޗްޑީސީން ނިންމައިފިއެވެ.
އެޗްޑީސީން ވިދާޅުވީ ޑެންގީ ކޮންޓްރޯލްކުރުމުގެ ގޮތުން މަދިރި ނައްތާލުމަށް "ޑެންގީ އިޖާބަ"ގެ ނަމުގައި އެ ކުންފުނިން އިންތިޒާމުކުރާ ހަރަކާތް ބޭއްވުމަށް ހަމަޖެހިފައިވަނީ ހުޅުމާލޭގައި ކަމަށެވެ.
މި ހަރަކާތް ކުރިޔަށްދާނީ ހޮނިހިރު ދުވަހުގެ ހެނދުނު 7 ޖަހާއިރު ހުޅުމާލޭ ސެންޓްރަލް ޕާކުން ފެށިގެން ކަމަށް އެޗްޑީސީން ވިދާޅުވިއެވެ.
ރާއްޖެއިން މިއަހަރުގެ މިހާތަނަށް 1600 އަށްވުރެ ގިނަ މީހުން ޑެންގީ ޖެހިގެން ރިޕޯޓްކޮށްފައިވާކަމަށް ހެލްތު ޕްރޮޓެކްޝަން އެޖެންސީ، (އެޗް.ޕީ.އޭ)އިން ވަނީ ވިދާޅުވެފައެވެ.
މިއަހަރު އޭޕްރީލް މަހުން ފެށިގެން މިހައިތަނަށް މާލެއާއި އަތޮޅުތަކުން ޑެންގީހުން ޖެހިގެން ރިޕޯޓުކޮށްފައިވާ މިންވަރު ވަރަށް ބޮޑަށް ވަނީ އިތުރުވެފައެވެ. މިދިޔަ ސެޕްޓެމްބަރ މަހާ އަޅާ ބަލާއިރު އޮކްޓޯބަރ މަހު މިހާތަނަށް ޑެންގީ ހުން ޖެހިގެން ރިޕޯޓު ކުރެވޭ މިންވަރު އިތުުރުވެފައިވާ ކަމަށް އެޗްޕީއޭއިން ހާމަކުރެއެވެ.
އަދި ތަންކޮޅެއް އަވަސް ނޫންބާ، ކޮންމެ ބަލިމަޑުކަމެއް ވެސް ސީރިއަސް ހާލަތަށް ދިއުމުން ނޫނީ މިހާރު މިއޮތް އޯގާތެރި ސަރުކާރަށް ކިރިއާ ކަހާތަން ހިރުވާލަނީ މި.