ޑރ. މުޙައްމަދު އަލީގެ ވަރުގަދަ އިންޒާރެއް: ރާއްޖެ އަޑިޔަށް ދިޔުމުގެ ކުރިން އާބާދީގެ ބޮޑުބައި ނުކުޅެދިދާނެ
ދެހާސް ސަތޭކައިގެ އަހަރުތަކުގެ ކުރިން އާބާދީގެ ބޮޑުބައި މަރުވުން ނުވަތަ ނުކުޅެދިދާނެ ކަމަށް އެތެރެހަށީގެ ޚާއްސަ ޑޮކްޓަރު، ޑރ. މުހައްމަދު އަލީ ވިދާޅުވެއްޖެއެވެ.
މޯލްޑިވްސް ނޭޝަނަލް ޔުނިވާސިޓީ (އެމްއެންޔޫ) އިން ހެދި "ސްޓެޕް ސާވޭ 2020-2021" އާ ގުޅިގެން ޑރ. މުޙައްމަދު ވިދާޅުވީ ރާއްޖެ ކަނޑު އަޑިއަށް ދިއުމުގެ ކުރިން، 2100 ވަނައަހަރާ ހަމައަށް ދާއިރު ދިވެހިންގެ ތެރެއިން ދެބައިކުޅަ އެއްބައި މީހުން މަރުވެ، ނުވަތަ ނުކުޅެދުންތެރިކަން ހުންނަ މީހުންނަށް ވެދާނެ ކަމަށެވެ.
އެގޮތުން ދިވެހިންގެ ތެރެއިން ކޮންމެ ހަތަރު މީހަކުން އެކަކީ ދުންފަތުގެ އިސްތިއުމާލު ކުރާ މީހެއް ކަމަށާއި ދުންފަތުގެ އިސްތިއުމާލު ކުރާ އެންމެ ކުޑަ އުމުރަކީ 8 އަހަރު ކަމަށް ދިރާސާގައިވެއެވެ.
އަދި ކޮންމެ 20 މީހަކުން އެކަކު ހަޔާތުގައި މަދުވެގެން އެއްފަހަރު ރާ ބޯކަމަށާއި ކޮންމެ ދެމީހަކުން އެކަކު ދުވާލެއްގެ މައްޗަށް 5 ބާވަތުގެ މޭވާ ނުވަތަ ތަރުކާރީ ކައިއުޅޭ ކަމަށްވެސް އެ ދިރާސާގައިވެއެެވެ.
މީގެ އިތުރުން ދިވެހިންގެ ތެރެއިން ކޮންމެ ތިން މީހަކުން އެކަކީ ކާއެއްޗިއްސަށް މާ ގިނައިން ލޮނު އަޅާ، ކޮލެސްޓްރޯލް މަތި މީހުން ކަމަށާއި 50 އިންސައްތަ ދިވެހިން ޑަބްލިއުއެޗްއޯއިން އިރުޝާދުދޭ މިންގަނޑާ އެއްވަރަށް ކަސްރަތު ނުކުރާ ކަމަށްވެސް ބުނެފައިވެއެވެ.
50 އިންސައްތަ މީހުންނަކީ ބަރުދަން މަތި މީހުން ކަމަށާއި ކޮންމެ ހަތަރު ދިވެހިންގެ ތެރެއިން އެކަކީ ލޭ މައްޗަށް ދާ މީހުން ކަމަށްވެސް ބުނެފައިވެއެެވެ. އަދި 14 އިންސައްތަ މީހުންނަކީ ހަކުރު ބަލި ހުންނަ މީހުން ކަމަށާއި އުމުރުން 45 އަހަރާއި 69 އަހަރުގެ މީހުންގެ ތެރެއިން 50 އިންސައްތަ މީހުންނަކީ ހިތުގެ ބަލިތައް ތަހައްމަލު ކުރަން ޖެހޭ މީހުން ކަމަށް ޑރ. މުހައްމަދު އަލީ ވިދާޅުވިއެވެ.
ޑރ މުހައްމަދު އަލީ ޢައިބުގެ ވާހަކަތޯ މިދައްކަވަނީ ޢައިބުގައި ނުވަތަ މުސްތަޤުބަލްގައި ވާނެ ކަމެއް އެއީ އެއްވެސް އިންސާނަކަށް އެގޭނެ ކަމެއްނޫން ، އެކަން އެގޭނީ ހަމައެކަނީ ﷲ އަށް ހާއްސަ ކަމެއް !