އަލިފާނުގެ ހާދިސާ: 40އަށްވުރެ ގިނަ ބިދޭސީން ކުޑަ ތަންކޮޅެއްގައި!
ރޭ ދަންވަރު 12:30 ހާއިރު އިސްކަންދަރު މަގުގައި ހުންނަ މ. ނިރުފެހި ގޭގައި ރޯވެ ހިނގި އަލުފާނުގެ ހަަދިސާ އަކީ މިހާތަނަށް ރާއްޖޭގައި ހިނގި އެންމެ ހިތާމަވެރި އަލިފާނުގެ ހާދިސާއެވެ.
މި އަލިފާނުގެ ހާދިސާގައި މަރުވި މީހުންގެ އަދަދު މިހާރު ވަނީ 11 އަރާފައެވެ. އަދި އެކަކަށް އައިޖީއެމްއެޗްގައި ފަރުވާދެމުން އަންނައިރު އޭނާގެ ހާލު ވަރަށް ސީރިއަސްކަމަށް އެ ހޮސްޕިޓަލާއި ހަވާލާދީ ފުލުހުން ވަނީ ވިދާޅުވެފައެވެ.
ރޭގެ އަލިފާނުގެ ހާދިސާ ހިންގާފައިވަނީ ވެހިކަލް މަރާމާތު ކުރާ ގަރާޖެއްގައެވެ. މި ގަރާޖު ހުންނަ ގޭގެ ފުރަތަމަ ފަންގިފިލާގައި ދިރިއުޅެނީ ހުސް ބިދޭންސީކަމަށް އެނގިފައިވެއެވެ. އާންމުކޮށް ބިދޭސީން އުޅޭ ތަންތަނުގައި ނިދަނީ ފިރިހެނުން ކަމުގައި ވިޔަސް އެތަނުގައި ޒަހަމްވެފައި އޮތް އަންހެނަކު ފެނިގެން އިތުރު ފަރުވާއަށް ވަނީ ގެންގޮސްފައެވެ. މިކަމުގެ އިތުރު ތަފްސީލެއް ލިބިފައި ނުވެއެވެ.
އެ ގަރާޖަކީ މިދިޔަ މާޗު މަހުގެ ތެރޭގައި ވެސް އަލިފާނުގެ ހާދިސާއެއް ހިނގި ތަނެކެވެ. އެގަރާޖުގެ މަތީބައިގައި ބިދޭސީން، ނިދާ ކައިބޮއި ހަދައި ދިރިއުޅެއެވެ. ބެލެވޭ ގޮތުގައި މި ހާދިސާ ހިނގި އިރު ގިނަ މީހުން ތިބީ ނިދާފައެވެ. ގާތްގަޑަކަށް 40އަށްވުރެ ގިނަ ބިދޭސީން އެތާ އުޅޭ ކަމުގެ މަޢުލޫމާތު ވަނީ ލިބިފައެވެ.
ކައްކައި ކެވޭ ގޮތަށް ހުންނަ އެ ގަރާޖުގައި ބަންކް ބެޑް ހުންނަ އިރު ގިނަ މީހުން ނިދަނީ ބިންމަތީގައި ކުނާ ފަތުރައިގެން ކަމަށް އެނގިފައިވެއެވެ. އެ ތަން އޮންނަނީ ބޮޑު ހޯލެއްހެން ކަމަށް އެތަނުގެ އެތެރެ އޮތް ގޮތް ދުށް މީހަކު ބުނެފައިވެއެވެ.
އެ ސަރަހައްދުގައި އެ ވަގުތު ހަރަކާތެތެރިވި ބައެއް މީހުން މައުލޫމާތުދިން ގޮތުގައި އެތަނުން އެމީހުންނަށް ނުނިކުމެވިގެން ވަރަށް ބާރަށް ރުއި އަޑު އިވުން ކަމަށެވެ. އަލިފާން ރޯވި ގަރާޖުގައި އާންމުކޮށް ކުރާ މަސައްކަތަކީ ކަރަންޓް ނަރު ފަދަ ބާ ނަރު ގަނެގެން އޭގެ ކޮއިލް ދެމުމާއި އެ ޒާތުގެ މަސައްކަތްތަކެވެ.
މާލޭގައި ކެމިކަލް ގުދަންތަކާއި ގަރާޖުތައް ހިންގާއިރު އެކަށީގެންވާ ވަރަށް ސަލާމަތީ ކަންކަން ގާއިމުކޮށްފައި ނުހުރެއެވެ. އެކަމާ ގުޅިގެން އާންމުންގެ ކަންބޮޑުވުން އަބަދުވެސް ފާޅުކުރަމުން ދެއެވެ.
ސުބުޙާނަﷲ އިންނާ ލިއްލާހި ވައިންނާ އިލައިހި ރާޖިޢޫން
ތިތާ ތިބީވެސް އިންސާނުން ކިހާ ހިތާމަވެރިކަމެއް .އެއްދުވަހުން އަނެއްދުވަހަށް މިކނތައް ތަކުރާރު ވަމުން މިދަނީ ބައެއްގެ އަނިޔާވެރި އިހުމާލުން، އެބަޖެހޭ މިމީހުންނާ މެދު ފިޔަވަޅު އަޅާ މަޖްލީހުން މާލޭގެ ހޮރު ތަކާއި ފޮށިގަނޑު ހަދައިގެން ކުށްޔަށް ދޭމީހުންނަށް ފިޔަވަޅު އަޅާނެ ގޮތެއް ޤާނޫނުން ގެންނަން.