އަލިފާނުގެ ހާދިސާ: ކާކުކަން ދެނެގަނެވިފައިނުވި މީހާއަކީ އިންޑިއާ މީހެއްކަން ދެނެގަނެފި

މާލޭގައި ހުރި ގަރާޖެއްގައި ރޯވެ ހިނގި ނުރައްކާތެރި އަލިފާނުގެ ހާދިސާގައި ނިޔާވި މީހުންގެ ތެރެއިން ކާކުކަން ދެނެގަނެވިފައިނުވާ މީހާއަކީ އިންޑިއާއަށް ނިސްބަތްވާ ފިރިހެނެއްކަން ދެނެގަނެވިފައިވާކަމަށް ފުލުހުން ވިދާޅުވެއްޖެއެވެ.

ފުލުހުން ވިދާޅުވީ މަރުވެފައިވާ މީހުންގެ ތެރެއިން ކާކުކަން ދެނެގަނެވިފައިނުވާ މީހާ، މިހާރު ދެނެގަނެވިފައިވާ ކަމަށާއި މަރުވި މީހުންގެ ތެރޭގައި ހިމެނެނީ އިންޑިއާގެ 3 އަންހެނުންނާއި އެ ޤައުމުގެ ފަސް ފިރިހެނުންނާ، ބަގްލަދޭޝް އަންހެނަކާއި، ފިރިހެނެއް ކަމަށެވެ.

ނިރުފެހި ގޭގައި އަލިފާނުގެ ހާދިސާއެއް ހިނގައިގެން ރިޕޯޓުކުރީ ބުދަ ދުވަހުގެ ރޭ 00:30 ހާއިރުއެވެ.

10 މީހަކު ނިޔާވި މި ހާދިސާގައި އަނިޔާވި އެކަކަށް މިހާރުވެސް އައިޖީއެމްއެޗްގެ އައިސީޔޫގައި ފަރުވާދެމުން އަންނައިރު އޭނާގެ ހާލަތު ސީރިއަސްކަމަށް މައުލޫމާތު ލިބެއެވެ.