ނޮވެމްބަރު މަހުގެ ނިޔަލަށް މުދަލު ޒަކާތުގެ ގޮތުގައި 81.6 މިލިއަން ރުފިޔާ
މިއަހަރުގެ ނޮވެމްބަރުމަހުގެ ނިޔަލަށް މުދަލު ޒަކާތުގެ ގޮތުގައި ދައުލަތަށް 81.6 މިލިއަން ރުފިޔާ ލިބިއްޖެއެވެ.
މީރާއިން އާންމުކޮށްފައިވާ ހިސާބުތަކުން ދައްކާ ގޮތުގައި މި އަހަރުގެ ޖަނަވަރީ މަހު މުދަލު ޒަކާތުގެ ގޮތުގައި 7 މިލިއަން ރުފިޔާ އަދި ފެބްރުއަރީ މަހު 2.8 މިލިއަން ރުފިޔާ ލިބިފައިވެއެވެ. މާޗުގައި 5.9 މިލިއަން ރުފިޔާ ލިބިފައިވާއިރު އޭޕްރީލް މަހު މުދަލު ޒަކާތުގެ ގޮތުގައި 22.7 މިލިއަން ރުފިޔާ ލިބުނެވެ. މޭ މަހުގައި ލިބިފައިވަނީ 4.5 މިލިއަން ރުފިޔާއެވެ.
މީގެ އިތުރުން ޖޫން މަހު 6.3 މިލިއަން ރުފިޔާ އަދި ޖުލައި މަހު މުދަލު ޒަކާތުގެ ގޮތުގައި 4.1 މިލިއަން ރުފިޔާ ލިބިފައިވެއެވެ.
މީރާއިން އާންމުކޮށްފައިވާ ހިސާބުތަކަށް ބަލާއިރު ފާއިތުވީ 4 މަސްދުވަހުވެސް މުދަލު ޒަކާތުގެގޮތުގައި ލިބިފައިވާ އާމްދަނީ ވަނީ މިދިޔަ އަހަރާއި އަޅާ ބަލާއިރު ދަށަށް ގޮސްފައެވެ.
އިސްލާމިކް މިނިސްޓްރީން ވިދާޅުވީ މުދަލު ޒަކާތް ދައްކާ މިންވަރު މަހުން މަހަށް ދަށްވަނީ، އެއީ އާއްމުކޮށް ވިޔަފާރިއަށް އަހަރު ހަމަވުމުން ދައްކާ ފައިސާއެއް ކަމުގައިވާތީއެވެ.
