ބްރިޖްގައި ހިނގި އެކްސިޑެންޓުގެ ވީޑިއޯ ލީކުވި މައްސަލަ ބަލަނީ
މިދިޔަ ހުކުރު ދުވަހު ސިނަމާލެ ބްރިޖުގައި ހިނގި ނުރައްކާތެރި އެކްސިޑެންޓުގެ ވީޑިއޯ ސޯޝަލް މީޑިއާގައި އާންމުވި މައްސަލަ ބަލަމުންދާ ކަމަށް ފުލުހުން ވިދާޅުވެއްޖެއެވެ.
ފުލުހުން މިއަދު ވިދާޅުވީ މީހަކު މަރުވުމަށް މެދުވެރިވި އެކްސިޑެންޓެއްގެ މަންޒަރު ފެންނަ ވީޑިއޯއެއް ދައުރު ކުރުމަކީ އެ މީހެއްގެ އާއިލާއަށް ހިތްދަތިކަން ގެނުވާނެ ކަމެއް ކަމަށެވެ.
އަދި އެ ވީޑިއޯ ދައުރު ވަމުންދާތީ އާއިލާއިން އެކަމުގެ ކަންބޮޑުވުން ފުލުހުންނާ ހިއްސާކޮށްފައިވާ ކަމަށާއި އެހެންކަމުން އެ ވީޑިއޯ ސޯޝަލް މީޑިއާގައި ދައުރު ނުކުރުމަށް ފުލުހުން ވަނީ އެދިފައެވެ.
ފުލުހުން ވިދާޅުވީ އެ ވީޑިއޯ އާންމުވެފައިވާ މައްސަލަ ފުލުހުން ބަލަމުންދާ ކަމަށާއި “އެއީ ކިހިނެއް އާންމުވެފައިވާ ވީޑިއޯއެއްތޯ ބަލައި ފިޔަވަޅު އަޅާނެ ވާހަކަ އެންމެހައި ފަރާތްތަކުގެ މައުލޫމާތަށް ޓަކައި ދަންނަވަން" ފުލުހުން ވިދާޅުވިއެވެ.
ހުކުރު ދުވަހު ސިނަމާލެ ބްރިޖުގައި ހިނގި އެކްސިޑެންޓުގައި ނިޔާވީ ވިޔަފާރިވެރިޔާ ޖަމްބޯ އިސްމާއިލް މޫސާ (ޖަމްބޯ އިއްސެ)އެވެ.
Ads by STO
