ގޭބަންދު ކުރިޔަސް، ދޫ ބަންދެއް ނުކުރެވޭނެ: ސަމާހު
ގޭބަންދު ކުރިޔަސް، ދޫ ބަންދު ނުކުރެވޭނެ ކަމަށް ޗެނަލްގެ ސީއީއޯ މުޙައްމަދު ސަމާހު ބުނެފިއެވެ.
ސަމާހު "ދެން"އަށް ބުނީ އޭނާއަށް ފުލުހުންގެ ފުރައްސާރަ ކުރިމަތި މިވީ އަލަކަށް ނޫން ކަމަށެވެ. އަދި ފުލުހުންނަކީ އޭނާ އިޙްތިރާމް ކުރާ ބައެއްކަން ފާހަގަކޮށް، ސަމާހު ބުނީ، އެމީހުންގެ ދައުރު އަދާކުރެއްވުމަށް އޭނާ ހުރަސް ނާޅާ ކަަމަށެވެ.
"އެކަމަކު މިނިވަން ނޫސްވެރިކަމުގެ މިންގަނޑަކީ ފުލުހުންނަށް ހިފެހެއްޓޭނެ އެއްޗެއް ނޫން. ދެ ފަރާތުންވެސް މި އަދާކުރަނީ ޤާނޫނީ ޒިންމާއެއް." ސަމާހު ބުންޏެވެ.
އާދިއްތަ ދުވަހުގެ ރޭ، ވެރިރަށް މާލޭގައި ކުރި މުޒާހަރާގެ ތެރެއިން، ފުލުހުން ސަމާލު ހައްޔަރު ކޮށްފައިވަނީ، ފުލުހުންގެ ވާޖިބަށް ހުރަސް އެޅި ކަމަށް ތުހުމަތު ކޮށްފައެވެ.
ބަންދު ކުރަން ކޯޓުން ކުރި އަމުރުގައި ވަނީ އޭނާ ހައްޔަރުކުރީ އިތުރު ބަޔަކު އެ ސަރަހައްދަށް ގެންގޮސްދިނުމުން ކަމަށެވެ. އެހެންވެ، އާންމު ހިދުމަތަށް ބުރޫ އަރާ ފަދަ ކަމެއްގައި އޭނާގެ ބައިވެރިވުން އޮތް ކަމަށެވެ.
ސަމާހު ކޯޓުގައި ބުނެފައި ވަނީ އޭނާއަކީ ޗެނަލް 13ގައި މަސައްކަތް ކުރާ މީހެއް ކަމަށާއި، އޭނާ އެ ސަރަހައްދަށް ދިޔައީ ލައިވް ކުރަން ކަމަށެވެ.
އޭނާ ބުނީ ކޯޓުން އެންގީ އިރުއޮއްސި 6:00 އިން ހެނދުނު 6:00 އަށް ގޭގައި އޮންނަން ކަމަށެވެ. އަދި 30 ދުވަހުގެ މުއްދަތަކަށް މިގޮތަށް ކަންތައް ކުރުމަށް އަންގާފައިވާ ކަމަށެވެ.
ދުލެއް އެކަނިތަ ކަލެއަށް ލިބިފަ އޮތީ؟؟