ރައީސް ޞާލިޙް ކެމްޕޭން ޖަލްސާ ހުކުރު ދުވަހުގެ ރޭ މާލޭގައި

އެމްޑީޕީގެ ރިޔާސީ ޕްރައިމަރީައި ވާދަކުރައްވާ ރައީސުލްޖުމްހޫރިއްޔާ އިބްރާހީމް މުހައްމަދު ޞާލިޙް ބައިވެރިވެވަޑައިގަންނަވާ ކެމްޕޭން ޖަލްސާއެއް ހުކުރު ދުވަހުގެ ރޭ ބޭއްވުމަށް ހަމަޖެހިއްޖެ އެވެ.

މި ޖަލްސާ އޮންނާނީ އާޓިފިޝަލް ބީޗްގައި ހުކުރު ދުވަހުގެ ރޭ 8:30ގައެވެ.

އެމްޑީޕީގެ ރިޔާސީ ޕްރައިމަރީގެ ކެމްޕޭންގައި ރައީސް ސޯލިހް ބައިވެރި ވެވަޑައިގެންނެވި ފުރަތަމަ ކެމްޕޭން ޖަލްސާ އޮތީ ޖެނުއަރީ ހަތަރު ވަނަ ދުވަހުގެ ރޭ އެމްޑީޕީގެ މައި ހަރުގޭގައެވެ.

ކެމްޕޭންގައި ރައީސް ސޯލިހް ވަނީ ރ. އަތޮޅާއި ނ. އަތޮޅާއި ޅ. އަތޮޅުގެ އިތުރުން ބ. އަތޮޅާއި އައްޑޫއަށް ވަޑައިގެންފައެވެ. އަދި މިހާރު ގެންދަވަނީ އުތުރުން ހއގެ ރަށްތަކަށް ވަޑައިގަންނަވަމުންނެވެ.

އެމްޑީޕީގެ ރިޔާސީ ޕްރައިމަރީ ބޭއްވުމަށް ހަމަޖެހިފައިވަނީ މިމަހުގެ 28ވަނަ ދުވަހު އެވެ.