ރައީސް ނަޝީދުގެ ހަމަލާއެއް އަލީ ޒާހިރަށް: ހަދީޘް އިލްމުގެ ބޭފުޅެއް ހިންގުމުގެ ދާއިރާގައި ހުންނެވުމުން ކަންބޮޑުވޭ
ރައީސް އޮފީހުގެ ޗީފް އޮފް ސްޓާފްސްގެ މަޤާމުގައި ހުންނެވި އަލީ ޒާހިރު އެ މަޤާމުގައި ހުންނެވުމުން، ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ކަންބޮޑުވުންފާޅު ކުރައްވައިފިއެވެ.
ރައީސް ނަޝީދު ރޭ ދިވެހި ޗެނަލްއަށް ދެއްވި އިންޓަރވިއުއެއްގައި ވިދާޅުވީ، އަލީ ޒާހިރަކީ ހަދީޘް އިލްމުގެ ބޭފުޅެއް ކަމަށާއި އިޤްތިޞާދީ ކަމެއްގެ ތެރޭގައި އުޅުއްވަން ފެނި ވަޑައިގަންނަވާ ކަމަށެވެ.
"ރައީސް އޮފީހުގެ ޗީފް އޮފް ސްޓާފަކީ އަދާލަތު ޕާޓީގެ ބޭފުޅެއް. އަޅުގަނޑަށް ހީވަނީ އެ ބޭފުޅާގެ އިލްމީ ދާއިރާއަކީ ހަދީޘްހެން. އެއީ ވަރަށް ރަގަޅަށް ހަމަ އަޅުގަޑުމެންނަށް ބޭނުން ކުރެވޭނެ އިލްމެއް." ރައީސް ނަޝީދު ވިދާޅުވީ، އެ އިލްމުގެ ބޭފުޅުން ބޭނުން ކުރައްވަން ޖެހޭނީ އެ އިލްމަކާ ގުޅޭ ދާއިރާއެއްގައި ކަމަށެވެ.
އެހެންނަމަވެސް އިގްތިސާދީ ކަމެއްގެ ތެރޭގައި، ހިންގުމުގެ ތެރޭގައި، އެއީ އުދަގޫ ކަމެއް. އަޅުގަނޑު ކަންބޮޑުވޭ އަޅުގަޑުމެން އަދި އެޕާޓީން ބޭފުޅަކު ބަހައްޓާން އެދުނު ނަމަވެސް
ރައީސް ނަޝީދު ވިދާޅުވީ، އަދާލަތުގައި ވެސް އެކަމަށް ޤާބިލު މީހުން ތިއްބަވާ ކަމަށާއި، އެހެންނަަމެވެސް އަދާލަތު ޕާޓީގެވެސް ގޮތެއް ހިފަހައްޓަވާ، އުސޫލުގެ ތިއްބަވާ ބޭފުޅުންނަށް މަޤާމުތައް ދެއްވާފައި ނެތް ކަމަށެވެ.
ރައީސް ނަޝީދު މިފަހުން، އެމްޑީޕީ ރިޔާސީ ކެންޕެއިންގެ ތެރެއިން އަދާލަތު ޕާޓީއަށް ވަނީ ތައުރީފް ކުރައްވާފައެވެ. އެއީ ރިޔާސީ އިންތިޚާބަށް ކެނޑިޑޭޓަކު ނެރެން އެ ޕާޓީން ނިންމާފައި ނުވާތީއެވެ.
ގަމާރު އިސްލާމީ ގައުމެއްގަ ވެރިކަމުގަވެސް ތިބެން ޖެހޭނީ ހަދީޘް ޢިލްމްގެ ބޭފުޅުން. ޢިސްލާމް ދީނުގެ އުސޫލުތަކާ އެއްގޮތަށް ކަންތައްތައް ނިންމޭނީ އޭރުން . ތިޔައީ އިންޑިއާއިން ފަނޑިޔާރުންވެސް ގެންނަން އުޅުނު މީހެއްދޮއްތަ.
ޙަދީޘް ޢިލްމު ނެތް ފަތްބުއިމުގެ ޢިލްމު ހުރި މީހަކުތޯ ރަނގަޅީ……ކީކޭ ދެން ބުނާނީ.
ސިޔާސީ އިލްމު ނެތި ސިޔާސީ ވެގެން އުޅޭ މީހުންވެސް އުޅޭ، ނަޝީދު އަކީ މެރިން ދާއިރާއިން ކިޔެވިމީހެއް މިހާރު ސިޔާސީ މީހަކަށް ހެދިގެން އުޅެނީ، ޕޮލިޓިކަލް ސައިންސު ނުކިޔަވާ ހުރެ ނުންތޯ !