ލައިސަންސްގެ ޚިދުމަތް ވަގުތީގޮތުން މެދުކަނޑާލައިފި

އެއްގަމު ވެހިކަލްތަކުގެ ލައިސަންސްގެ ޚިދުމަތް ޓްރާންސްޕޯޓް މިނިސްޓްރީން މިއަދު ވަގުތީ ގޮތުން މެދުކަނޑާލައިފިއެވެ.

ޓްރާންސްޕޯޓް މިނިސްޓްރީން ވިދާޅުވީ އަލަށް ތައްޔާރުކުރި ސޮފްޓްވެއާގެ ޚިދުމަތްތަކުގެ ތެރެއިން އެއްގަމުގައި ވެހިކަލްތަކުގެ ލައިސަންސްގެ ހިދުމަތް ފެށުމުގެ ކުރިން ޑޭޓާ މައިގްރޭޝަންގެ މަސައްކަތްތަކެއް ކުރުމުގެ ގޮތުން ލައިސަންސްގެ ޚިދުމަތް ވަގުތީ ގޮތުން މެދުކަނޑާލާފައިވާ ކަމަށެވެ.

މިއަދުން ފެށިގެން އަންނަ މަހުގެ 4 އަށް އެ ހިދުމަތެއް ނުލިބޭނެ ކަމަށް މިނިސްޓްރީން ވިދާޅުވިއެވެ.

އެހެންނަމަވެސް ލައިސަންސްގެ ހިދުމަތް ހުއްޓާލައިވާ މުއްދަތުގެ ތެރޭގައި މުއްދަތު ހަމަވާ ލައިންސަންސް އަންނަ މަހުގެ 14 ވަނަ ދުވަހުގެ ނިޔަލަށް ބޭނުން ކުރެވޭނެ ކަމަށް މިނިސްޓްރީން ވިދާޅުވިއެވެ.