ހަތިޔާރާއެކު ސިފައިންގެ ތަމްރީނެއް މާލެ ސަރަހައްދުގައި

މާލެ އާއި ހުޅުމާލޭގައި ހަތިޔާރާއެކު ސިފައިން ތަމްރީނެއް ފެށުމަށް ތައްޔާރުވެއްޖެއެވެ.

Ads by Sosun Fihaara

އެމްއެންޑީއެފުން ވިދާޅުވީ އިނގިރޭސިވިލާތުގެ ރޯޔަލް މިލިޓަރީ ޕޮލިހާއި، މޯލްޑިވްސް ނޭޝަނަލް ޑިފެންސް ފޯސް (އެމް.އެން.ޑީ.އެފް) ގުޅިގެން އަސްކަރީ ތަމްރީނުތަކެއްގައި  ފެބްރުވަރީ 01 އިން 09 އަށް މާލޭގައި ކުރިޔަށްދާނެ ކަމަށެވެ.

އަދި ހުޅުމާލެ ފޭސް 01 އަދި 02 ގެ އެކިއެކި ސަރަހައްދުތަކުގައި ޙަރަކާތްތަކެއް ކުރިއަށް ގެންދަން ހަމަޖެހިފައިވާ ކަމަށާއި މިޙަރަކާތްތަކުގައި ހަތިޔާރާއެކު ސިފައިން ޙަރަކާތްތެރިވާނެ ކަމަށް އެމްއެންޑީއެފުން ވިދާޅުވިއެވެ.