Tuesday, 17 November 2026
Advertisement
HDC — Share-Below (leaderboard)
ސިޔާސީ

އަދާލަތަކީ ޝައިތާނާގެ ޕާޓީ: ޝެއިހް ފަޒްލޫން

އަދާލަތަކީ ޝައިތާނާގެ ޕާޓީ: ޝެއިހް ފަޒްލޫން

އަދާލަތު ޕާޓީއަކީ ޝައިތާނާގެ ޕާޓީކަމަށް އައްޝައިޚް ފަޒްލޫން މުޙައްމަދު ވިދާޅުވެއްޖެއެވެ.

ޝައިޚް ފަޒްލޫން މިހެން ވިދާޅުވީ އަދާލަތު ޕާޓީން ކުރިއަށް އޮތް ރިޔާސީ އިންތިހާބުގައި ރައީސް އިބްރާހިމް މުހައްމަދު ޞާލިހަށް ތާއިދު ކުރަން ނިންމި ނިންމުމާއި ގުޅިގެންނެވެ.

"އެމީހުންނަކީ ޝައިތާނާގެ ޕާޓީއެވެ. ދަންނާށެވެ. ސައިތާނާގެ ޕާޓީއަކީ ހަމަ ކަނޑައެޅިގެން ގެއްލި ހަލާކުވެގެންވާ މީހުންނެވެ." ޝެއިޚް ފަޒްލޫން ވިދާޅުވިއެވެ.

Advertisement
Allied Insurance — Square (box)

https://twitter.com/fzlunx/status/1628569910300315650

އަންނަ ރިޔާސީ އިންތިޚާބުގައި އަދާލަތުން ރައީސް ޞާލިހަށް ތާއިދު ކުރަން ނިންމާފައިވަނީ އެޕާޓީގެ މަޝްވަރާ މަޖިލީހުގެ މަޝްވަރާއަށް ފަހުއެވެ.

އަދާލަތު ޕާޓީގެ މަޝްވަރާ މަޖިލީހުން ނިންމި ނިންމުމުގައި ބުނެފައިވަނީ ރިޔާސީ އިންތިޚާބުގައި ވާދަކުރުމަށް ހުށަހަޅާ މެނިފެސްޓޯ އެކުލަވާލުމުގައި އިސްލާމީ އުސޫލުތަކާއި ހަމަތަކުގެ އިތުރުން ދެފުށްފެންނަ ފުރިހަމަ ލާމަރުކަޒީ އުސޫލުތަކަށާއި އާއިލާތަކުގެ ދުޅަހެޔޮކަމާއި އިޖުތިމާއީ ޢަދާލަތު ޤާއިމުކުރުމަށް އިސްކަން ދިނުމަށާއި، މެނިފެސްޓޯ އެކުލަވާލުމުގައި ޢަދާލަތު ޕާޓީގެ ބައިވެރިވުން ފުރިހަމަޔަށް ހޯދުމަށް އެއްބަސްވެވެވިފައިވާ ކަމަށެވެ.

ބައިނަލްއަޤް ޔޯގާ ދުވަސް ފާހަގަކުރަން ގަލޮޅު ދަނޑުގައި ބޭއްވި ހަރަކާތަށް ހުރަސް އަޅައި ހަމަނުޖެހުން ހިންގި މައްސަލައިގައި ޓެރަރިޒަމްގެ ދައުވާ އުފުލާފައިވާ ޝެއިޚް ފަޒްލޫން ދަނީ މި ސަރުކާރަށް ވަރަށް ބޮޑަށް ފާޑުކިޔުއްވަމުންކަން ފާހަގަކޮށްލެވެއެވެ.

މިގޮތުން މިއީ ނަބިއްޔާ ﷺ ގެ ބަދު ދުޢާ ލިބިގެންވާފަދަ ވެރިކަމެއް ކަމަށް ޝެއިޚް ފަޒްލޫން ވަނީ މީގެ ކުރިން ވިދާޅުވެފައެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.